ಬೆಳಗು & ದೀಪ

                     1

ಮನವು ಅಹಂಕಾರದ ಪರದೆಯಲಿ
ಮರೆಯಾಗಿ ಬೀಹಗುತಿದೆ ಗರ್ವದಲಿ
ತನದೊಂದೆ ಸರಿಯೆಂಬ ದರ್ಪವು
ತನ್ನಿಂದಲೆ ಚಲಿಸುವುದು ಎಲ್ಲವು
ಹೊಂದಿಕೆಯು ಹರಿದೋಗಿದೆ ಅಂದು
ಕೃಪೆಯಿಂದ ಹೊಲಿಯಬೇಕಿದೆ ಇಂದು
ಜಗದ ಕೋಪಕೆ ಶಿಕ್ಷಾರ್ಹನು
ಜನರ ಶಾಪಕೆ ಪರಿತಪಿಸುತಿಹೆನು
ಜ್ಞಾನದ ಬೆಳಕನ್ನಿತ್ತು ಪರಿಪಾಲಿಸು
ಜೊತೆಯಲ್ಲಿ ಕೈ ಹಿಡೀದು ಮುನ್ನೆಡೆಸು

                     2

ಹಣತೆಯಲಿ ಅರಳಿದ ಹೂ
ಕತ್ತಲೆಯನು ಕರಗಿಸುವ ಪ್ರಜ್ವಲೆಯು
ಅಪ್ರಿಯ ಅಂಧಕಾರಕೆ ಅಂತ್ಯವು
ಜ್ಞಾನಧಾರೆಯು ಮೂರ್ಖತನಕೆ
ನಿನ್ನಳಿವಿಗೆ ಬೆಳಗುವೆ ಜೋರಾಗಿ
ಜೀವನದ ದಾರಿದ್ರ್ಯ ದೂರಾಗಿಸುವ
ಸಮೃದ್ಧಿಯ ದಿವ್ಯ ದೀಪ