ಬಿಸಿಲು ಮಳೆ ಜೊತೆಯಾದಾಗ

ಮಂಗನ ಮದುವೆಯಾಗುವುದಂತೆ
ಮಳೆ ಬಿಸಿಲು ಜೊತೆಯಾದಾಗ
ಬದುಕಿನ ಗಾಲಿ ತಿರುಗುವುದಂತೆ
ನಮ್ಮಯ ಒಲವು ಬೆರೆತಾಗ
ಪ್ರೀತಿಯ ಪಯಣದ ದಾರಿಯಲಿ
ಮುನಿಸಿನ ತಡೆಯು ಸಹಜ ಬಿಡು
ಕನಸಿನ ಮಳಿಗೆಯು ತುಳುಕಿರಲು
ಹೃದಯಕೆ ತುಡಿತವು ತುಂಬ ದಡು

ಹರಿಯುವ ನೀರಿನ ತೇರಿನಲಿ
ಕಸ ಕಡ್ಡಿಯ ಕಥೆ ಅಳಿಯುವುದು
ಶುಭ್ರತೆ ನೆಲಸಿದ ನಾಡಿನಲಿ
ಧೂಳಿನ ಕಣ ಸಹ ಹಿರಿದಾಗುವುದು
ತುಚ್ಛತೆ ನೋಟವ ಮರೆಸುತಲಿ
ವೈಶಮ್ಯದ ಕೇಡನು ದೂರ ಇಡು
ಗೌಪ್ಯತೆ ಮಾತನು ಕೇಳುತಲಿ
ಗಂಭೀರತೆ ನಡೆಯಲಿ ಬೀಗಿ‌ ಬಿಡು

ಉದುರುವ ಎಲೆಗಳ ತುದಿಗಳಲಿ
ಮಳೆಹನಿ ನೀರಿದು ಬೀಳುವುದು
ಕಂಬನಿ ಭರಿತ ನಯನದಲಿ
ಎದುರಿಗೆ ಬರಲು ಅಂಜಿಕೆಯು
ಸಮಯಕೆ ಸುರಿದ ಸೋನೆಯಲಿ
ಅಳುಕಿನ ದುಃಖದ ಹಂಚಿಕೆಯು
ಹೆತ್ತವರ ಹಿತವನು ಬಯಸುತಲಿ
ಸುಖದಲಿ ಸಾಯಲು ದೀಕ್ಷೆತೊಡು

ಭಾವಯಾನದ ತೀರ

ಮೋಡಕೆ ಮೋಡ
ಗುದ್ದಿದಾಗ
ಮಿಂಚು ಮೊದಲು
ಬಂದಂತೆ
ಗುಡುಗು ನಂತರ
ಸಿಡಿದಂತೆ
ನಮ್ಮಿಬ್ಬರ ಪ್ರೀತಿಯಲ್ಲಿ
ಚರಣಗೀತೆ ಬರೆದಾಗ
ನೋವು ಸುಡುತಿದೆ
ಎದೆಯಲ್ಲಿ
ನುಡಿಯು ಕೇಳುತಿದೆ
ಕೊನೆಯಲ್ಲಿ
ಹೋದೆ ನೀನು ದೂರ
ಭಾವಯಾನದ ತೀರ

ತುಂಬಿದ ಕೆರೆಯ ನೀರನು
ಕದಡಲು ಕಲ್ಲು ಸಾಕು
ಮೊದಲ ಪ್ರೀತಿ ಮರ್ಲನು
ಮರೆಯಲು ಜನ್ಮ ಬೇಕು
ಕುಳಿತೆ ನಿನ್ನ ಧ್ಯಾನದಿ ನಾನು
ತೊರೆದೆ ಆಸೆ ಬಾಳಲಿ ಜೇನು

ತಂಪಿನ ಒಲವ ಉಣಿಸಲು
ಬರೆದ ಹಾಡು ನೂರಾರು
ಕಂಪಿನ ಭಾವ ರಮಿಸಲು
ಬೇಡಿದ ಜಾಡು ಹತ್ತಾರು
ಕಳಕೊಂಡ ಕರದ ರೀತಿಯಂತೇನು
ಬರವಣಿಗೆಯ ಪ್ರೀತಿ ಹುಚ್ಚಂತೆ ನೀನು

ಒಲವ ಧಾರೆ

ಮೋಡಕೆ ಮೋಡ
ಗುದ್ದಿದಾಗ
ಮಿಂಚು ಮೊದಲು
ಬಂದಂತೆ
ಗುಡುಗು ನಂತರ
ಸಿಡಿದಂತೆ
ನಮ್ಮಿಬ್ಬರ ಪ್ರೀತಿಯಲ್ಲಿ
ಚರಣಗೀತೆ ಬರೆದಾಗ
ನೋವು ಸುಡುತಿದೆ
ಎದೆಯಲ್ಲಿ
ನುಡಿಯು ಕೇಳುತಿದೆ
ಕೊನೆಯಲ್ಲಿ
ಹೋದೆ ನೀನು ದೂರ
ಭಾವಯಾನದ ತೀರ

ತುಂಬಿದ ಕೆರೆಯ ನೀರನು
ಕದಡಲು ಕಲ್ಲು ಸಾಕು
ಮೊದಲ ಪ್ರೀತಿ ಮರ್ಲನು
ಮರೆಯಲು ಜನ್ಮ ಬೇಕು
ಕುಳಿತೆ ನಿನ್ನ ಧ್ಯಾನದಿ ನಾನು
ತೊರೆದೆ ಆಸೆ ಬಾಳಲಿ ಜಾನು

ತಂಪಿನ ಒಲವ ಉಣಿಸಲು
ಬರೆದ ಹಾಡು ನೂರಾರು
ಕಂಪಿನ ಭಾವ ರಮಿಸಲು
ಬೇಡಿದ ಜಾಡು ಹತ್ತಾರು
ಕಳಕೊಂಡ ಕರದ ರೀತಿಯಂತೇನು
ಬರವಣಿಗೆಯ ಪ್ರೀಲತಿ ಹುಚ್ಚಂತೆ ನೀನು

ಬೇಕಾಗಿದ್ದಾರೆ ಹನಿ ನೀರ ದಾಸೋಹಿ!

ಎಲ್ಲೆಂದು ಅರಸಲಿ
ಹನಿ ನೀರನು
ಯಾರನ್ನು ಕೇಳಲಿ
ತುಸು ಜಲವನು

ಕಂಬನಿಯ ಸುರಿಸಲೂ ನೀರಿಲ್ಲ
ಬರಿದಾದ ನದಿಯೊಡಲಲಿ 
ಕಾಲುವೇಲಿ ಹರಿಸಲೂ ಜಲವಿಲ್ಲ
ಆರಿರುವ ಏರಿಯೊಳಗೆ

ಬರಿದಾದ ಕೆರೆ ಕಟ್ಟೆಗಳು
ಭಾಸವಾಗಿವೆ ಇಂದು
ಚಿಣ್ಣರೆಲ್ಲರು ಆಟ ಆಡುವ
ಮೈದಾನವೇ ಇದೆಂದು

ನೀರ ಹನಿ ಬಿಂದುವಿಗಾಗಿ
ಶುರುವಾಗಿದೆಲ್ಲೆಡೆ ಹಾಹಾಕಾರ
ಲಗ್ನವಾಗಿಲ್ಲ ಜೊತೆಯಾಗಿ
ಹುಡುಕಿ ಹಿಡಿದರೂ ಕಪ್ಪೆ ಸಂಗದವರ

ಮಠ ಮಂದಿರಗಳಲಿ
ಇಳಿಮುಖವಾಗಿದೆ ಭಕ್ತರ ಸಂಖ್ಯೆ
ಊರೂರ ಬೀದಿಗಳಲಿ
ಮಾಡಬೇಕಾಗಿದೆ ನೀರ ದಾಸೋಹಿ ಸಖ್ಯ

ಕೇರಿಯಲೊಬ್ಬರಂತೆ ಸಿಗುತಾರೆ
ನೀಡಲು ಹಣದ ಸಾಲ
ನೀರಿಲ್ಲದೆ ಬವಣೆಯಲಿ ಬೇಯುತಾರೆ
ಏರುತ ದಾಹವೆಂಬ ಶೂಲ

ಅದೆಂದೂ ಬರುವುದೋ?
ಕರಿಮೋಡ ಕರಗಿ ನೀರಾಗಲು
ಬತ್ತಿದೊಡಲ ತುಂಬುತ
ಬೆಳೆಯುವ ಕೃಷಿಕನ ನಗಿಸಲು

ಕೈ ಮುಗಿದು ಬೇಡಿದರೂ
ಕರುಣಾಮಯಿಯ
ಕಲ್ಲಾಗಿ ಬರಲಿಲ್ಲ ಕರಿಮೋಡ
ಸರಿಸಲು ಜಲಧಾರೆಯ

ಮುಸ್ಸಂಜೆ ಕಲೆಗಾರ

ದೇವನೊಬ್ಬ ಕಲೆಗಾರ
ಜಗಕೆ ಆಯ್ತು ಉಪಕಾರ
ಸಂಜೆಗೊಂದು ವ್ಯವಹಾರ
ನಯನ ಸೆಳೆವ ಉಪಹಾರ
ತಂಪ ಬಾನ ಮಂದಾರ
ತೆರೆದ ಭಾನ ಶೃಂಗಾರ

ಮುಸ್ಸಂಜೆ ಹೊತ್ತಿಗಾರೋ
ಬಣ್ಣ ಬಳಿದು ಹೋಗುವರು
ಇಂಪೆಂಬ ಗಾನಕಾರೋ
ರಾಗ ಹೆಣೆದು ಹಾಡುವರು

ರವಿ ಹೊರಟ ದಾರಿಯಲಿ
ತಂಪನೆರೆವ ಚಿತ್ತಾರ
ಕವಿ ತೊರೆವ ಪದಗಳಲಿ
ಹಕ್ಕಿ ಗಾನಕೆ ಗಾಂಧಾರ

ಮೀಸೆ ಚಿಗುರೋವಾಗ

ಏನೋ ಹುಚ್ಚು ವಯಸು
ಕಣ್ಣ ತುಂಬ ಕನಸು
ಸೂರೆಗೊಂಡ ಮನಸು
ನವ ಪ್ರೀತಿ ಸೊಗಸು
ಮನವೀಗ ಬಯಸಿರಲು
ಅವಳೇ ನನ್ನ ಉಸಿರು

ಮೀಸೆ ಚಿಗುರೋವಾಗ
ದೇಶ ಕಾಣದೆಂಬ ಮಾತೆ ನಿಜವು
ಆಸೆ ಮಿಡಿಯುವಾಗ
ವೇಷ ಯಾವುದೆಂಬ ಚಿಂತೆ ನಿಲುವು
ಅಂತೆ ಕಂತೆಯ ಕಥೆ ಕೇಳಿ
ಸ್ವಂತ ಬಂಟರ ವ್ಯಥೆ ಹೇಳಿ
ಎಚ್ಚರಿಸುವ ನುಡಿಯೇ ಗುರುವು

ಮಲೆಯ ಏರುವಾಗ
ನೆಲವು ಕಾಣದಂತೆ ಇರಲು
ತಲೆಯು ತಿರುಗುವಾಗ
ಜಗವು ಸುತ್ತಿದಂತೆ ಕಾಣಲು
ಅಂಟು ಗಂಟಿನ ನಡುವಲ್ಲಿ
ಉಂಟು ನಂಟಿನ ಮಡಿಲಲ್ಲಿ
ಮುದ್ದಿಸುವ ಮೂರ್ತವೆ ಒಲವು