Thursday, May 24, 2018

ದಿನವೊಂದು ಅಳಿಯುತಿದೆ
ನಿನ್ನ ನೆನಪಿನ ಬೆಳಕಲಿ
ಕನಸೊಂದು ಅರಳುತಿದೆ
ಸ್ಮರಣೆಯ ಧ್ಯಾನದಲಿ
ಪೂಜೆಯ ಮಂತ್ರವೆ ಮರೆಯುತಿದೆ
ನೆನವರಿಕೆಯ ಪರಿಯಲಿ
ಆಗಮನವೆಂದೋ ನನ್ನ ವರಿಸುವ ದಿನವೆಂದೋ?

ತಂದಿರುವೆ ತವರಿನ ತೊಟ್ಟಿಲ
ತಿನಿಸುವ ಒಲವಿದು ಚೊಚ್ಚಲ
ಹೃದಯದ ಕೋಣೆಯಲಿ ಕೂರಿಸಿ ತುಂಬಾ ನಿಗೂಢ
ಹರಸಿರುವ ಪ್ರೀತಿಯ ಸಿಂಚನ
ಜೊತೆಯಾಗಲು ಆದರ್ಶದ ಕಂಪನ
ಅರಿವಿನ ನೂಲಲಿ ನೇಯುವೆನು ಸಿದ್ದ ಸಿಂಹಾಸನ

Sunday, May 20, 2018

ಭರವಸೆಯೇ ಚೂರಾಗಿದೆ

ಅಲೆಗಳ ರಭಸಕೆ
ದಡ ಸೇರುವ ಮಿಡಿತವು
ನನ್ನ ಮನಸ್ಸಿನ ಮಿಡಿತಕೆ
ನಿನ್ನ ನೋಡುವ ಧ್ಯಾನವು
ಕೈ ಉಂಗುರದ ಗುರುತಿದೆ
ನಮ್ಮಿಬ್ಬರ ಭೇಟಿಗೆ
ಇದ ಹಿಡಿದು ಹೊರಟಿದೆ
ಹುಟುಕಾಟದ ಜಾತ್ರೆಲಿ

ಹೆಸರಿದೆ ಕಲ್ಪಿತ ಚಿತ್ರಕೆ
ಅರಸುವ ಕಾರ್ಯವು ನಡೆದಿದೆ
ಕಂಡಿರುವೆ ಮಾಸದ ಕಣ್ಣಂಚಿನ ವಿಸ್ಮಯವ
ಪುಟಿದೆಬ್ಬಿಸಿತು ಕಾಣುವ ಕಂಪನವ
ತಗ್ಗಿಸಿತು ಎದೆಯೊಳಗಿನ ಭಾವವ
ಖುದ್ದು ತೊಡಿಸುವ ಕಲ್ಪನೆ ಜೋರಾಗಿದೆ

ಶೋಧನೆಯ ಕೆಲಸಕೆ ಹೊಸಬನು
ಕದಿಯುವ ಚೋರನಲ್ಲ ನೀ ಜಾಲಾಡಲು
ಜೋಪಾನ ಮಾಡಿರುವೆ ತಿರುಗಿಸಲು ಚಿನ್ನವ
ದೋಣಿಯಲಿ ನದಿಯನು ದಾಟಿ ಬಂದಿರುವೆ
ಸಿಗದೆ ಸತಾಯಿಸುತ ಎಲ್ಲಿರುವೆ?
ಬಳಿಬಂದು ನೀಡುವೆನೆಂಬ ಭರವಸೆಯೇ ಚೂರಾಗಿದೆ