ಒಲವಿನ ಧ್ಯಾನ

ಇನ್ನಾರಿಗೆ ಮಾತಾಡಲಿ
ನನ್ನವಳ ಹೊರತು
ಹೃದಯದಲಿ ಬರೆದಿರುವ
ಚಿತ್ರಗಳ ಕುರಿತು

ಹರುಷದಲಿ ಕಳೆದಿರುವ
ಘಳಿಗೆಗಳ ಅರಿತು
ವಿರಸದಲಿ ಕೂಡಿರುವ
ನೆನಪುಗಳ ಮರೆತು

ಹೋಗಿರುವೆ ಹರಣದಲಿ
ಕಾಲನೀತಿಯ ಹಂಗಿನಲಿ
ಸೊರಗಿರುವೆ ಗೋಳಿನಲಿ
ಏಕಾಂತದ ಹಸಿವಿನಲಿ

ಬರುವಿಕೆಯ ಕಾಯುತಲಿ
ಕುತ್ತಿಗೆಯು ಬಲಿಯಾಗಲಿ
ಸ್ಪಂದನೆಯು ನೊವಿನಲಿ
ನಿನ್ನೊಲವಿನ ಧ್ಯಾನದಲಿ

ಅಣ್ತಮ್ಮರ ಬಲಿದಾನ

ಹೆತ್ಹೊತ್ತ ತಾಯಿಯ ಕಣ್ಣೀರ ಒರೆಸಲು
ಮುತ್ತಿಟ್ಟ ಮುದ್ದಿನ ಮಡದಿಯ ಸಲಹಲು
ನೀವಿಟ್ಟಿರಿ ಹೆಜ್ಜೆಯ ದೇಶವ ಕಾಯಲು
ವಿಪತ್ತಿನ ನಿರೀಕ್ಷೆಯನು ಹುಸಿ ಮಾಡಲು

ರಣ ಹೇಡಿ ನರಿಗಳ ಕುತಂತ್ರದಿಂದ
ಎಗರಿ ಬರುತಿರುವ ವಿಷಕಾರಿ ಗುಂಡುಗಳಿಂದ
ದೇಶವನು ರಕ್ಷಿಸಲು ಪಾಪಿ ತಾಣದವರಿಂದ
ಬಲಿದಾನ ಮಾಡಿದಿರಿ ಪ್ರಾಣವನು ಧರೆಯಿಂದ

ಚಿರಕಾಲ ಉಳಿಯಲಿ ನಿಮ್ಮ ನೆನಪು
ಚಿರವಾಗಿ ಸ್ಪುರಿಸಲಿ ತಮ್ಮ ಹುರುಪು
ಪ್ರೇರಣೆಯ ಮರವಾಗಿ ಹೂ ಬಿಡುತಿರಿ
ಚಿರಶಾಂತಿ ಪಡೆದು ಹರಸುತ ಬದುಕಿರಿ

ನಿಮಗಾಗಿ ಏನೂ ಮಾಡಲಾಗಲಿಲ್ಲವೆಂಬ ಕೊರಗು
ನಿಮ್ಮಿಂದ ಬದುಕುಳಿದಿದ್ದೇವೆ ಎಂದರಿಯದೆ
ಪಾತಕಿಗಳಿಗೆ ಹಾರೈಸುವವರ ಮೆರಗು
ನೋಡಿ ಕುದಿಯುತಿದೆ ರಕ್ತ ಅಸಹಾಯಕತೆಯಿಂದ

ದುಷ್ಟ ರಾಜಕೀಯದ ನೆರಳಲಿ ಬೊಗಳುವವರು
ಮಿತಿಗೇಡಿಗಳಾದ ಬುದ್ಧಿವಂತ ಮನುಜರು
ಬಲಿದಾನಕೆ ನ್ಯಾಯವನು ನೀಡರ್ಯಾರು
ವೈರಿಗಳ ಸಂಹರಿಸಲು ಮತ್ತೆ ಹುಟ್ಟಿ ಬರಬೇಕು ನಿಮ್ಮಂತವರು

ಚಿರವಾದ ಗೆಲುವು

ಈ ಹೆಸರಿನಲ್ಲೇನಿದೆ
ಉಸಿರು ನಿಂತ ಮೇಲೆ
ಜನರು ನೀಡುತಾರೆ
ಹೆಣವು ಎಂಬ ಪಟ್ಟಿ
ಲೋಕ ಮರೆಯುತಾವೆ
ನೀನಿದ್ದೆನೆಂದು ಗಟ್ಟಿ

ಎಷ್ಟೇ ದುಡ್ಡು ಕೂಡಿ
ಬದುಕ ನಡೆಸಿದರುನೂ
ಎಷ್ಟೇ ಆಸ್ತಿ ಗಳಿಸಿ
ಜಗದಿ ಮೆರೆದರುನೂ
ಸತ್ತ ಮೇಲೆ ನಿನಗೆ
ಸಿಗುವುದೊಂದೆ ಪಟ್ಟ
ಕೊನೆಗೆ ದೊರೆವುದೊಂದೆ
ಹೆಣವು ಏರುವ ಚಟ್ಟ

ಒಲವು ಪ್ರೀತಿ ಹಂಚಿ
ಜನರ ಗಳಿಸಬೇಕು
ಒಳಿತು ಮಾಡಿ ಜಗಕೆ
ಜನ್ಮ ಸವೆಸು ನೀ ಸಾಕು
ನಿನ್ನ ಹರಣಕೊಂದು
ಅರ್ಥ ಬರುವುದಾಗ
ನಾಲ್ಕು ಮಂದಿ ಬಂದು
ಒಂದ್ಹನಿ ಸುರಿಸಿದಾಗ

ಬೋಳು ಮರಕೆಯೆಂದು
ಬೊಗಸೆ ನೀರ ಉಣಿಸು
ಹಸಿದ ಜೀವಕೆಂದು
ತುತ್ತು ಅನ್ನ ನೀಡು
ದೇಹಿಯೆಂಬ ದೇಹಕೆಂದು
ಆಶ್ರಯ ದಾನ ಮಾಡು
ನೆನಪಾಗಿ ಉಳಿವೆಯಾಗ
ನೇಪತ್ಯ ಸೇರಿದಾಗ

ಕೊಳೆಯಾದರೆ ಅತ್ತ ಇತ್ತ
ಸ್ವಚ್ಛಗೊಳಿಸು ನಿನ್ನ ಸುತ್ತ
ಸೆಳೆದು ಜನರ ಕಣ್ಣ
ಬಳಿದು ಸ್ನೇಹ ಬಣ್ಣ
ಹಾಕಲು ಹೆಜ್ಜೆಯನ್ನ
ತೊರೆಯುವೆ ಲಜ್ಜೆಯನ್ನ
ಪಡೆಯಲು ವಿಶ್ವಾಸವನ್ನ
ಚಿರವಾಗಿ ಗಲ್ಲುವೆ ಸಾವನ್ನ