Wednesday, April 12, 2017

ಸ್ತಬ್ಧ ಚಿತ್ರದಂತೆ

ಪ್ರೀತಿ ಬಂತು ಒಲವಾಗಲು
ಮೋಹ ತಂತು ಮಸಾಗಲು
ಆದರೇನು ಆಗದು
ಕವಲು ಕಾಡಿನ ಹಾದಿಯಲ್ಲಿ
ಸ್ವಂತದ್ದೆಂದು ಹೇಗೆ ನುಡಿಯಲಿ
ಇರುಸು ಮುರುಸಿನ ಸ್ಥಿತಿಯಲಿ

ಆಚೆಗೊಂದು ಬಾಳ ಸ್ಪೂರ್ತಿಯು
ಈಚೆಗೊಂದು ಬದುಕಿನಾಧಾರವು
ಯಾರ ನೋಡಲಿ?
ಜೊತೆಗೆ ಹೆಜ್ಜೆ ಹಾಕಲು
ಎಲ್ಲಿಡಲಿ? ಹೇಗಿಡಲಿ? ಯಾರಲಿ?

ಯಾರ ಕಡೆಗೆ ವಾಲಿದರೂ
ಒಂದು ಕಣ್ಣು ಮಂಜಾದಂತೆ
ಬಾಳಾಟ ಮುಗಿಯುವವರೆಗೂ
ಎರಡು ಜೀವ ಒಂದೇ ಜೀವನ
ಯಾವ ಕೈಯಲಿ? ಯಾರ ಹಿಡಿಯಲಿ?

ಬರಿಯ ಗೊಂದಲ ತಲೆಯ ತುಂಬ
ವಿಲವಿಲ ಒದ್ದಾಟ ಮುರಿದು ಸ್ತಂಭ
ಆಗುವೆನು ಚಿತ್ರದಂತೆ ಸ್ತಬ್ಧ
ದೋಣಿ ಸಾಗಲಿ ಅವನಾಸೆಯಂತೆ
ಮುಳುಗಿಸುವನೋ? ತೇಲಿಸುವನೋ?

No comments:

Post a Comment