ಬದುಕಿನ ಬಂಡಿಯಲ್ಲಿ ನೂರಾರು ತಿರುವುಗಳು
ಆಗುವರಾರು ಇಲ್ಲಿ ಆ ದಾರಿಗೆ ದೀಪಗಳು
ವಿಧವಿಧವಾದ ರೂಪಗಳಲ್ಲಿ ಆ ದೇವರ ಕುರುಹುಗಳು
ನಾಳಿನ ದಃಖದ ಯೋಚನೆಯಲ್ಲಿ ಈಗಿನ ಸುಖವಿರದು
ಮುಂದಿನ ಸುಖದ ಬಯಕೆಗಳಲ್ಲಿ
ಇಂದಿನ ಕೊರಗಾರದು
ಕ್ಷಣದಲಿ ಉಲಿಯುವ ನಗುವಿದು ಮಾತ್ರ ಎಂದೂ ಮರೆಯಾಗದು
ಮಾಡುವ ಕೆಲಸಗಳಲ್ಲಿ ನಿನ್ನಯ ಶ್ರಮವಿರಲಿ
ಫಲಿತಾಂಶದ ಗಳಿಕೆಯಲ್ಲಿ ಭಗವಂತನ ಕೃಪೆಯಿರಲಿ
ಕ್ರಮದಲಿ ದುಡಿಯುವ ಕೈಗಳಿಗೆಂದೂ ಸ್ವಂತಿಕೆ ಶೃತಿಯಿರಲಿ
ಎಲ್ಲರ ಹೃದಯಗಳಲ್ಲಿ ನೋವಿನ ಕಥೆ ಸಹಜ
ಬದುಕಿನ ಮಜಲುಗಳಲ್ಲಿ ದುಃಖದ ವ್ಯಥೆ ವಿವಿಧ
ಮರೆಮಾಚುವ ಕಣ್ಣಿನ ನಗುವುಗಳಲ್ಲಿ ಬೀಗುವ ಕಲಿ ಮನುಜ
