|| ಕಲ್ಪನೆ ||

ಮನಸಿನ ಮಾತುಗಳು ಹೇಳೋ

ಕನಸಿನ ಕವನಗಳು

ಕಲ್ಪನೆ ಮಾಡುತ

ಕನಸನು ಕಾಣುತ

ಕಾಣದೂರಿನ ದೊರೆಯಾಗಿ

ಮೆರೆಯುವೆನು ||

ಮಿತಿಯೆ ಇಲ್ಲದ

ಅಗಲವಾದ

ಕೊನೆಯನು ಕಾಣದ

ಸರ್ವ ಜೀವಿಗಳು

ಬಗೆಬಗೆಯಲಿ ಕಾಣುವರು ಕಲ್ಪನೆಯ

ಕಣ್ಣ ತುಂಬ ನಿನದೆ ಬಿಂಬ

ಕಪ್ಪು ಛಾಯೆಯು ತಂಪ ನೀಡುತಿದೆ ||

ಆಳಾಗಿ ದುಡಿಯಬಹುದು

ಅರಸನಾಗಿ ಭೋಗಿಸಬಹುದು

ಮನಸಿನಾಸೆಯಂತೆ ಮೆರೆಯಬಹುದು

ತಲುಪಲಾಗದ ಗುರಿಯನು

ಮುಟ್ಟಿದಂತೆ ಹಿಗ್ಗಬಹುದು

ಈಡೇರದ ಬಯಕೆಗಳಲಿ

ತೇಲಬಹುದು ಕಲ್ಪನೆಯಲಿ ||

ನೋವಿನಲಿ ನೊಂದ ಜೀವ

ಕೆಟ್ಟ ಕನಸೆಂದು ಮರೆಯಬಹುದು

ಸಾಧಿಸಿರದ

ಅನುಭವಿಸಲಾಗದ

ನಲಿವಿನ ಸಂಭ್ರಮ

ಸ್ವಂತದೆಂದು ಹೆಮ್ಮೆ ಪಡುವ

ಸ್ಥಿತಿಯು ನಮ್ಮ ಕಲ್ಪನೆ ||