|| ಸಾರ್ವಕಾಲಿಕ ಸತ್ಯ ||

ಕೈಯಲಿ ಗಡಿಯಾರ

ಕಳೆದರೂ ಶನಿವಾರ

ಹಿಡಿಯೋಕೆ ಸಮಯಾನ

ಆಗದು ಯಾಕಯ್ಯ ||

೭ ದಿನಕೊಂದು ವಾರವು

೩೦ ದಿನಕೊಂದು ತಿಂಗಳು

೩೬೫ ದಿನಕೊಂದು ವರ್ಷವು

ತಿಳಿಯಯದ ಹಾಗೇನೆ ಓಡೋದು ಕಾಲವು ||

ಇಂದೇನೊ ಸೋತೇವು

ನಾಳೆ ನಾವು ಗೆದ್ದೇವು

ಏಳು ಬೀಳೀನ ಆಟದಲಿ

ನಿಲ್ಲದು ತಿರುಗುವ ಚಕ್ರವು

ಯಾವತ್ತು ಸೂರ್ಯಾನು

ಪೂರ್ವದಿ ಮೂಡೋನು

ದಿನ ನಡೆಯೊ ಸತ್ಯಾನ

ಮಾಡಲಾಗದು ಮಿಥ್ಯಾನ ||

ಆ ಚಂದ್ರ ಕರಗುವನು

ಪೌರ್ಣಿಮೆಯಲಿ ಅರಳುವನು

ಕುಗ್ಗುತಲಿ ಹಿಗ್ಗುತಲಿ

ಪ್ರತಿ ತಿಂಗಳು ಬೆಳಗುವನು ||

ಅಡಗಿರೊ ಜಗದ ಸತ್ಯಾನ

ಬೇಧಿಸ ಹೊರಟರೂನು

ಅವನು ಹಾಕೋ ತಾಳಕ್ಕೆ

ನಾವು ಕುಣಿಯೋದು ಪಕ್ಕಾನೆ ||

|| ಕಮರಿದ ಪ್ರೀತಿ ||

ನಿನ್ನ ಪ್ರೀತಿ ಮಾಡುತ

ನಾನು ಹೇಗೆ ಬಾಳಲಿ...?

ನಿನ್ನ ಸನಿಹವಿಲ್ಲದೆ

ನಾನು ಹೇಗೆ ಸಾಯಲಿ...?

ರಾತ್ರಿ ಕನಸಿನಲ್ಲು ನಿನ್ನ

ಒಲವನು ಕಾಣದೇ

ಹಗಲು ನನಸಿನಲ್ಲಿ

ಪ್ರೀತಿಯ ಅರಮನೆ ಕಾದಿಹೆ ||

ಕಣ್ಣ ಹನಿಯು ಉದುರಿದ ಹಾಗೆ

ಜೀವನ ಮುಗಿಯದು

ಒಂಟಿತನವು ಕಾಡಿದ ಮೇಲೆ

ಕಳೆದ ಪ್ರೀತಿಯು ಮರಳದು

ದೇವತೆಯಾಗಿ ಬಳಿಗೆ ಬಂದರೂ

ಪೂಜೆ ಮಾಡಲಾಗದೆ ಸೂತಿಹೆ

ಕೋಳೆ ಇರದ ಗುಡಿಯಲಿ

ನನ್ನ ಪ್ರೀತಿಯು ಬಾಡಿದೆ ||

ಮನೆಯೇ ಇರದ ಮಂಟಪದಲಿ

ನಿನ್ನ ಕೂರಿಸಿ ನೋಯಿಸಿದೆ

ಹೇಳದ ಹಲವು ರೀತಿಯಿಲಿ                                                                      

ನಿನ್ನ ಮಾನವ ಕಳೆದಿಹೆ

ನನ್ನ ಒಳಿತನು ಬಯಸುತ

ಮೇರು ಒಲವನು ತೋರಿದೆ

ಪ್ರೇಮದ ಗುರಿಯ ತಿಳಿಯದೆ

ನಿರ್ಲಕ್ಷದಲಿ ಪ್ರೀತಿಯು ಕಮರಿದೆ ||

|| ಸೂತ್ರದಾರ ||

ಭಾವ ನಿನದು ದೇಹ ನನದು

ಬಳಸಿದಂತೆ ಬಾಗುವೆ

ಹಾಡು ನನದು ರಾಗ ನಿನದು

ಬರೆವ ಆಶಯ ಅರಿಯದು

ಕಣ್ಣ ಹನಿಯು ಉದುರಿತಲ್ಲ

ಬರೆದ ಪದಗಳ ಅಳಿಸಲು

ಕರ್ಮ ನನದು ಕಾರಣ ನಿನದು

ಕಾಣನು ಕುಣಿಸುವ ಸೂತ್ರದಾರನು ||

|| ಬಾಳ ಸಾರಥಿ ||

ಗಗನದಲಿ ಉರಿಯುವ ರವಿಯು
ಜಗವ ಬೆಳಗಲು
ಬಾನಿನಲಿ ಮಿನುಗುವ ಶಶಿಯು
ತಂಪ ನೀಡಲು
ಜೊತೆಯಲಿ ಸಾಗುವ ಪತಿಯು
ದೋಣಿ ದಾಟಲು ||

ಪತಿಯೇ ನಿನ್ನ ಸತಿಯು ನಾನು
ಎಂದೋ ಮಾಡಿದ ಪುಣ್ಯವು
ಹೇಗೆ ನಾನು ಜಯಿಸಲಿ
ಸೋಲುವೆನು ನಿನ್ನ ಸೆಳೆತಕೆ
ಹಗಲ ಕಂಪು ಇರುಳ ತಂಪು
ಮಾಡಿತು ನನ್ನನು ದಾಸಿಯ ||

ನೋವು ಎಂದು ಸುಳಿಯದಂತೆ
ಕಣ್ಣೆದುರು ಕಷ್ಟ ಕಾಣದಂತೆ
ಮನದ ಇಚ್ಛೆ ಮಾಸದಂತೆ
ಯಾರ ಎದುರು ಬಾಗದಂತೆ
ಮಾಡಿದೆ ನನ್ನ ಸುಖಿಯನು
ಬಿಟ್ಟು ಬದುಕೆನು ಬಾಳ ಸಾರಥಿ ||

|| ತತ್ಕಾಲಿಕ ||

ಮಂಜು ಕರಗಿ ಹನಿಯಾದರೆನಂತೆ

ಮುಂಜಾವಿನ ನೀರು ಮಳೆಯಾಗದು
ಉರಿಯಲಿ ಬೆವೆತು ಒದ್ದೆ ಯಾದರು
ಮಿಂದಂತೆ ಮೈ ಮನ ಶುಚಿಯಾಗದು ||

ಬರುವ ನೀರನು ಹೊರ ಹಾಕಿ ಹರಿಸಿದರೂ
ತಿರುಗಿ ತುಂಬಿವ ಭರವಸೆಯುಂಟು ಕಣ್ಣಿಗೆ
ಹರಿವ ನೀರದು ನಿಲ್ಲದು ಹೊಸ ನೀರು ಬಂದಾಗ
ಹಳೆ ನೀರು ಹೊರಡುವುದು ಕೊನೆಕಾಣುತ ||

ಅಡೆಕೆ ಕದ್ದಾಗ ಹೋದ ಮಾನವು

ಆನೆ ಕೊಟ್ಟರೂ ಮರಳದು

ಸಣ್ಣ ಕೆಲಸದಲಿ ಹೋದ ನಂಬಿಕೆ

ಜೀವ ಕೊಟ್ಟರೂ ಮರಳದು ||

ನೀರ ಅಲೆಯಲಿ ಚೂರಾದ ಚಂದ್ರನು

ಸ್ವಛ್ಚಂದದ ಬಾನಿನಲಿ ಚಂದವು

ಹಲವರು ಸೇರಿ ಮರ್ಯಾದಿ ತೆಗೆದರೂ

ಒಳ್ಳೆತನವ ಕೊಲ್ಲಲಾಗದು ಮಾತಿನಲಿ ||

|| ಹೊಸ ವರುಷ ||

ಹೊಸ ವರುಷ ಬಂದಿದೆ
ಹೊಸ ಹರುಷ ತಂದಿದೆ
ನವ ಕನಸಿನ ಉಯ್ಯಾಲೆ
ಭರವಸೆಯ ಕರೆಯೋಲೆ
ನಿರೀಕ್ಷೆಗಳೆಲ್ಲವು ಕಣ್ಣ ಮುಂದಿದೆ ||

ಮಳೆ ಬೆಳೆ ಚೆನ್ನಾಗಿ ಆಗುವುದೆಂದು
ಭರವಸೆಯಲಿ ರೈತಾಬಿ ಬಂಧುಗಳೆಲ್ಲರು
ಹಣದುಬ್ಬರ ಏರಿಳಿತ ಸಮವಾಗಿರಲೆಂದು
ಆಶಿಸಿಹರು ತಂತ್ರಜ್ನಾನದ ಉದ್ಯೋಗಿಗಳು
ಮಾರುಕಟ್ಟೆ ವಹಿವಾಟು ಸರಿಯಾಗಿ ಸಾಗಲೆಂದು
ವರ್ತಕರೆಲ್ಲರು ಆಶಾಭಾವದಲಿ ಬಯಸಿಹರು ||

ಓದಿನಲಿ ಯಶಸ್ಸು, ವಿದ್ಯೆಯಲಿ ಪಾಂಡಿತ್ಯ,
ಗಳಿಕೆಯಲಿ ಉನ್ನತಿ, ಬದುಕಿನಲಿ ಸಾಧನೆ,
ಮನದಾಸೆಯು ಇಡೇರುವುದೆಂದು
ಎದುರುನೋಡುತಿಹರು ಸಾರ್ವಜನಿಕರು
ಸರ್ವರಿಗು ಸಿದ್ಧಿಯಾಗಲಿ ನವ ಜೀವನವು
ಹೊಸತನವ ಹೊತ್ತು ಹುಟ್ಟಿದೆ ಹೊಸ ವರುಷವು ||