ಕಾಡುವ ಮನಸು

ಪದೆ ಪದೆ ನನ್ನ ಕಾಡುವ ಮನಸೆ

ಏಕೆ ಹೀಗೆ ಸತಾಯಿಸುವೆ?

ಎತ್ತರ ನೋಡಿ ಹತ್ತುವ ಹಂಬಲ

ಬೀಳುವ ಯೋಚನೆ ಮರೆಯುವೆಯೇ?

ನೋವು ನಲಿವಿನ ಮಜಲಿಗೆ ಕಾರಣ

ಕೈಗೆಟುಕದ ಹಸಿವಿನ ಧಾರಣ

ಪ್ರೀತಿ ಹಂಚಿಕೆ ಏಳಿಗೆ ಹೂರಣ

ದ್ವೇಷ ಅಸೂಯೆ ಬದುಕಿಗೆ ಮಾರಣ

ಏಳು ಬೀಳಿನ ಏರಿಳಿತದಲಿ

ಕಪ್ಪು ಬಿಳಿಪಿನ ಚಲನಚಿತ್ರವು

ಸೋಲು ಗೆಲುವಿನ ಹೋರಾಟದಲಿ

ಸಮ ಚಿತ್ತವೆ ನಿದರ್ಶನವಾಗಲಿ

ದಾರಿ ಹೋಕರು ಜಗದ ಪುಟದಲಿ

ಬಾಗಿ ನಿಂತಿರುವ ಬಿಕ್ಷುಕರೆಲ್ಲರು

ಊರ ನಡುವಿನ ವೇದಿಕೆ ಮೇಲೆ

ಅನ್ಯರ ನಗಿಸುವ ನಟರುಗೆಳೆಲ್ಲರು

ಮತ್ತೆ ಬಾ ಪುನೀತನಾಗಿ

ದೇವರ ಪಾತ್ರವ ಮಾಡುತನೀತ

ದೇವರ ಕಡೆಗೆ ಸಾಗಿದನು

ಹಲವರ ಬಾಳಿನ ದೇವರೇ ಇವನು

ಕಣ್ಣಿಗೆ ಕಾಣದೆ ಚಲಿಸಿದನು

ಹುಟ್ಟಿದ ದಿನವನು ಹಬ್ಬವ ಮಾಡುತ

ಖುಷಿಯಲಿ ಕುಣಿಯುತ ರಂಜಿಸಿದ

ಗಾನಕೆ ನೀಡುತ ದನಿಯಲಿ ಹಾಡುತ

ಕೇಳುವ ಕಿವಿಗಳಿಗ್ ತಂಪೆರೆದ

ದೇಹವ ದಣಿಸುತ ಯೋಗವ ಮಾಡುತ

ವೃದ್ಧರನ್ನೆಲ್ಲಾ ಪಾಲಿಸಿದ

ಗೋವನು ಸಲಹುತ ಗೋವಿಂದನಾಗುತ

ದೀನ ಮಕ್ಕಳ ಸಲುಹಿದನು

ಕಲಿಕೆಗೆ ಒತ್ತನು ನೀಡುತ ಕಲಿಸುತ

ಅಕ್ಷರ ದಾಸೋಹಿ ಆಗಿಹನು

ಕಲಿಯುವ ಮಕ್ಕಳ ಬೆನ್ನನು ತಟ್ಟುತ

ಹೃದಯವಂತಿಗೆ ತುಂಬಿಹನು

ಇಲ್ಲಿ ಸಲ್ಲುವನು ಅಲ್ಲು ಸಲ್ಲುವನೆಂಬ

ಬಸವನ ಮಾತದು ಸತ್ಯವಾಗಿಹುದು

ಹೇಳದೆ ಕೇಳದೆ ಪೊರೆಯುವ ದೇವನಂತೆ

ನುಡಿಯದೆ ಸಲುಹಿದ ಹಲವರನು

ನಟನೆಯ ಮೂಲಕ ಗಾನದಿ ಸೆಳೆಯುತ

ಅಭಿಮಾನಿ ದೇವರ ಗಳಿಸಿದನು

ಹೊಸಬರ ಏಳಿಗೆ ಬಯಸುತ ರಂಗದಿ

ಸ್ನೇಹದಿಯೆಲ್ಲರ ಬೆಂಬಲಿಸಿದನು

ದೊಡ್ಮನೆ ಹಿರಿಮೆಯ ಸಾರುತ ಧರೆಯಲಿ

ಬೇಕಾದ ಹೊತ್ತಲೇ ಕಣ್ಮರೆಯಾಗಿಹನು

ಕೇವಲ ಕಣ್ಣಿಗೆ ಮಾತ್ರವೆ ಕಾಣದೆ 

ದೇವರೇ ತಾನೆಂದು ತಿಳಸಿದನು

ಮರಳಿಬಾರದೂರಿಗೆ ಸಾಗಲು ಭೌತಿಕವಾಗಿ

ಎಲ್ಲರ ಧ್ಯಾನದಿಂದ ಪುನೀತನಾದನು 

ಹಲವರನ್ನೆಲ್ಲಾ ಅನಾಥರ ಮಾಡುತ

ಚಿರಶಾಂತಿ ಸಿಗುವೆಡೆಗೆ ಕ್ರಮಿಸಿಹನು

ಗುರಿ ಮುಟ್ಟುವ ತನಕ,

ವಿಚಾರಿ

ಕಂಡ ಸ್ವಪ್ನ

ಅಂದು ಕಂಡ ಸ್ವಪ್ನದಿ
ಕಣ್ಣೆದುರು ಬಂದ ರೀತಿಲಿ
ಕೈಗೆ ಸಿಗದ ದುಂಬಿ ನೀನೆ
ಹಾರಿ ಹೋದ ಮರೀಚಿಕೆ

ಭಾವ ಮೋಹ ಅರಳಲು
ಪ್ರೀತಿ ಪ್ರೇಮ ಬದನೆಯು
ನೀತಿ ನಿಯಮ ಮೀರಲು
ಸಲುಗೆ ದಾಟಿ ಹೋಗಲು
ನೀನೆ ನನ್ನ ಬದುಕಲಿ ಕಾಡುವಂತ ದೇವತೆ
ಬಳಿಗೆ ಬಂದು ಕಣ್ಣ ತೆರೆಯೆ ಉಳಿಯಲು

ಭಾರತ ಮಾತಾ ಕೀ ಜೈ for Sharan

ನಾವು ಒಂದೇ
ನಾವು ಎಲ್ಲಾ ಒಂದೇ
ಇಂದು ಮುಂದು ಎಂದು
ಭಾವೈಕ್ಯದಲಿ ಸದಾ ಬಂಧು
ಮೈ ಮುರಿದು ನಡೆ
ಕೈ ಮುಗಿದು ಕೂಗು
ಜಾತಿ ಮತಗಳ ಮರೆ
ದನಿಯೆತ್ತಿ ಘೋಷಿಸು
ನಮ್ಮ ತಾಯಿ ಭಾರತಿ
ವಿಶ್ವಕ್ಕೊಬ್ಬಳೇ ಭಾರತಿ
ವಿಶ್ವ ಗುರುವೇ ಭಾರತಿ
ಹಿಂಬಾಲಿಸು ನಮ್ಮ ಸಂಸ್ಕೃತಿ
ಮುಗಿಲು ಕರಗುವಂತೆ ಕೂಗಿರಿ
ಭಾರತ ಮಾತಾ ಕೀ ಜೈ

ಯುದ್ಧದ ಕರಾಳ ನೆರಳನು
ಮುಕುಟದಲಿ ಮರೆಯಾಗಿಸಿ
ತನ್ನ ಮಕ್ಕಳ ರಕ್ಷಿಸಿ
ಬಹುಬಗೆಯ ಸಂಸ್ಕಾರಗಳನು
ಸಂಸ್ಕರಿಸಿ ಮೆರೆಯುವ ಸಾಂಗತ್ಯವು
ವಿವಿಧ ಮತಗಳಿಂದಾಚೆ ಕರೆದು
ತನ್ನ ಧ್ಯಾನದ ಅರಿವು ಮೂಡಿಸಲಿ
ಕಂಠಾ ಘೋಷವಾಗಿ ಕೂಗಿರಿ
ಭಾರತ ಮಾತಾ ಕೀ ಜೈ
ಬೋಲೊ ಭಾರತ ಮಾತಾ ಕೀ ಜೈ

ತಲೆಯ ಸುತ್ತಲು
ದುರುಳರ ಆಟವು
ಹೊಟ್ಟೆಯೊಳಗಡೆ
ಮತಾಂಧರ ಮಾಟವು
ಬೆನ್ನ ತಿವಿಯುವ ಮಾರರು
ಕಾಲ ಎಳೆಯುವ ಒಲಸಿಗರು
ಅದೆಷ್ಟೇ ಜನರು ದಾಳಿಗೈದರು
ಅವರೆಲ್ಲರ ಪೊರೆದು ಸಲಹಲು
ಪ್ರೀತಿಯಿಂದ ಪ್ರಾರ್ಥಿಸಿ ಹಗಲಿರುಳಲೂ
ಭಾರತ ಮಾತಾ ಕೀ ಜೈ
ಹೇಳಿ ಭಾರತ ಮಾತಾ ಕೀ ಜೈ

ಜಯದ ಮೆಟ್ಟಿಲು
ದಾಳಿ ಕೋರರ ಒಡಲು
ಸೆಳೆವ ಸಂಸ್ಕೃತಿ
ಹಿಂಬಾಲಕರೆ ಮಡಿಲು
ಜಗವೇ ಒಪ್ಪುವ ಯೋಗ
ನೀನೇ ಅಪ್ಪುವ ಭೋಗ
ಕಡಲ ಕುಮಾರಿಗೆ ಹಿಮದ ಶಿರ
ತುಂಡಾದ ಒಡಲು ಎಡಬಲದಲಿ
ಪಿತೂರಿ ಗಂಚಾಲಿಗಳ ಬಾಯಲ್ಲೂ ಸ್ಪುಟಿಸಲಿ
ಭಾರತ ಮಾತಾ ಕೀ ಜೈ
ಹೇಳಿ ಭಾರತ ಮಾತಾ ಕೀ ಜೈ

ಮೌನದರಮನೆಯ ರಾಣಿ

ಕಣ್ಣಲ್ಲಿ ಒಂದು
ಪ್ರತಿಬಿಂಬ ಮೂಡಿಹುದು
ನನ್ನೆದುರು ಬಂದಂತೆ
ಪ್ರತಿ ಕ್ಷಣವೂ ಸಹ....

ಮನಸಲ್ಲಿ ಒಂದು
ಪ್ರತಿಮೆಯನು ಕೆತ್ತಿಹೆನು
ಕಲ್ಪನೆಗೆ ಕಂಡಂತೆ
ಪ್ರತಿ ಕಣವೂ ಸಹ....

ಬಾಕಿಯೇನು ಉಳಿದಿಲ್ಲ
ನಲ್ಲನೆಂದು ಕರೆದಿಲ್ಲ
ನಾಚಿಕೆಯು ಮನೆ ಮಾಡಿ
ಆಗಿಹೆನು ಮೌನದರಮನೆಯ ರಾಣಿ
ಬಂದು ನೀ ಬಿಡಿಸುವೆಯಾ ಕನ್ಯಾ ಸೆರೆ.....

ಶೋಕಿಯೇನು ಕಲಿತಿಲ್ಲ
ಲಗ್ನವೆಂದೋ ಗೊತ್ತಿಲ್ಲ
ಇನಿಯನಿಗೊಂದು ಗುಡಿ ಕಟ್ಟಿ
ಆಗುವೆನು ನಾನೆಂದು ಆರದ ದೀಪ
ಬೆಂದು ನಾ ಬೆಳಗುವೆನು ನಿನ್ನಾ ಮನೆ.....

ಹುಂಬತನ ಬಗಲಲ್ಲಿ

ಚಂದಿರ ತುಂಬಿದ ಆ ಬಾನಿನಲ್ಲಿ

ಬೆಳದಿಂಗಳ ಅರಸುವ ಅಂಧರು ಜಗದಲ್ಲಿ

ತಾ ಮಾಡಿದ್ದೇ ಸರಿ ತಾ ನಾಡಿದ್ದೇ ಸರಿ

ಎನ್ನುವ ಮೂರ್ಖತನ ಮನದಲ್ಲಿ

ಕಂಡು ಅರಿಯದ ಕಾರಣ ಕರೆಯಲ್ಲಿ

ಹೊಡೆಬಡೆ ಎನ್ನುವ ರೋಷವು ಮಾತಲ್ಲಿ

ನಾನಾಡಿದ್ದೇ ಖರೆ ನಾ ಮಾಡಿದ್ದೇ ಬರೆ

ಎನ್ನುವ ಹೇಡಿತನ ಜನರಲ್ಲಿ

ಅಸತ್ಯವನಾಡುವ ಬಡತನ ಮಾತಲ್ಲಿ

ಅನುಸರಣೆಯಿಲ್ಲದ ಅನುಕರಣೆ ನಡೆಯಲ್ಲಿ

ತಾ ನಡೆದದ್ದೇ ದಾರಿ ತಾ ನೋಡಿದ್ದೇ ಭಾರಿ

ಎನ್ನುವ ಹುಂಬತನ ಬಗಲಲ್ಲಿ

ಸ್ವಂತಿಕೆಯಿಲ್ಲದ ಶೂರರು ಸೂರಲ್ಲಿ

ಹಿತನುಡಿಯ ಕೇಳದ ಕಗ್ಗರು ಭುವಿಯಲ್ಲಿ

ಇದು ಶಾಂತಿಯಾ ಧರೆ ಇಲ್ಲಿ ನೆಮ್ಮದಿಯೇ ಮರೆ

ಎನ್ನುವ ಕಡುಸತ್ಯ ಜಗದಲ್ಲಿ

ಗುರಿ ಮುಟ್ಟುವ ತನಕ,

ವಿಚಾರಿ

ಜೀವ ಕೊಟ್ಟೆ

ನನ್ನ ಎದೆಯ ತೋಟದಲ್ಲಿ

ಅರಳಿ ನಿಂತ ಪುಷ್ಪ ನೀನು

ಸುತ್ತ ಬಂದೆ ನಂದನವನ

ಅತ್ತ ಕಂಡೆ ಚಿತ್ತ ಚುಂಬನ

ಬೆಳೆದು ನಿಂತ ಲತೆಗಳಲ್ಲಿ

ಕಣ್ಣ ಕಾಮನೆ ನೀನೆಯೇನು

ಸುಳಿದು ಬಂದ ಗಾಳಿಯಲ್ಲಿ

ಮುದ್ದಿಸುವ ಅಧರ ಜೇನು

ಮನದ ರಾಗ ತಾಳಗಳಿಗೆ

ಮೊದಲ ಹೆಜ್ಜೆ ನೀನೆಯಿಟ್ಟೆ

ಮುಡಿದ ಪ್ರೀತಿ ಭಾವಗಳಿಗೆ

ರಂಗು ತುಂಬಿ ಜೀವ ಕೊಟ್ಟೆ

ನಮ್ಮ ಉಸಿರ ವಲಯಗಳಲ್ಲಿ

ಪ್ರೇಮಿ ಹೆಸರ ವಿನಿಮಯ

ಕೊನೆಯೇ ಇರದ ಜಾಗದಲ್ಲಿ

ಆಡೋ ಚಂಡು ಚಂದ್ರಮ

ಗುರಿ ಮುಟ್ಟುವ ತನಕ,

ವಿಚಾರಿ

ಸಜ್ಜನರ ಜೊತೆ

 ಕಡುಗತ್ತಲ ನಡುರಾತ್ರಿ ಬೆಳದಿಂಗಳ ಭ್ರಮೆಯಲ್ಲಿ

ಹೊರಟಿರುವ ಯಾನವೊಂದು ಅಮೂರ್ತದೆಡೆಗೆ

ಭೂಮಿ ಸುತ್ತಲು ಈ ಯಾತ್ರಿ ಬಾನಂಗಳ ಕ್ಷೇತ್ರದಲಿ

ಕಲಿಯುವ ಪಾಠವೊಂದು ಸುಮೂಹುರ್ತದೆಡೆಗೆ

ಹೇಗೆ ಹಗಲಿರುಳಿನ ಹೊರಳಾಟ 

ಭುವಿ ಸುತ್ತ ತಾ ತಿರುಗಿರಲು

ಎರಡು ಮುಖಗಳ ಪೇಚಾಟ

ಮನುಜ ತನ್ನ ತಾ ಅರಿತಿರಲು

ಹಾಗೆ ವರುಷಗಳ ಉರುಳಾಟ 

ರವಿ ಸುತ್ತ ಇಳೆ ಸುತ್ತಿರಲು

ದುರುಳ ಮನಸಿನ ಸಾಗಾಟ

ಸಜ್ಜನರ ಜೊತೆ ಸಾಗಿರಲು

ಸಾಲಾಗಿ ಹಾರಿರಲು

ಭುವಿ ಜಿಗಿದಂತೆ ಬಾನೆತ್ತರಕೆ

ರವಿ ನಿಂತಂತೆ ಪಡುವಣಕೆ

ಕೈಯಲ್ಲಿ ಕೈ ಹಿಡಿದು

ನದಿ ತೀರದಿ ನಡೆದಿರಲು

ಹಾರುವ ಹಕ್ಕಿಯ ಹಾಡಿನ ಲಯವು

ಉದ್ವೇಗ ಚಿಮ್ಮಿಸಿ 

ನುಡಿಯುವುದಾ ಪ್ರೀತಿ

ನಿನ್ನಧರವ ಚುಂಬಿಸಿ

ಸಾಲಾಗಿ ಹಾರಿರಲು

ಆಕಾರ ನೀಡಿರಲು

ಕಣ್ಣೋಟ ಸೆಳೆಯುವುದು

ದನಿಗೊಂದು ರಾಗ ಹಾಕಿಹುದು

ಮುಸ್ಸಂಜೆ ಕವಿದಿರಲು

ಬೆಳದಿಂಗಳು ಹಾಸಿರಲು

ಧ್ಯಾನಿಸೋಣ ಈ ಸಂಜೆ ಅಳಿಯದಿರಲೆಂದು

ಮುದ್ದಿಸೋಣ ಈ ಮಾತು ಮುಗಿಯದಿರಲೆಂದು

ಗುರಿ ಮುಟ್ಟುವ ತನಕ,

ವಿಚಾರಿ

ಏಳು ಬೀಳಿನ ಪಯಣ

 ಚಂದಿರ ತುಂಬಿದ ಆ ಬಾನಿನಲ್ಲಿ

ಬೆಳದಿಂಗಳ ಅರಸುವ ಅಂಧರು ಜಗದಲ್ಲಿ

ತಾನಾಡಿದ್ದೇ ಸರಿ ತಾ ಮಾಡಿದ್ದೇ ಸರಿ

ಎನ್ನುವ ಮೂರ್ಖತನ ಜನರಲ್ಲಿ

ಆಡುತ ಮೋಜು ಮಾಡುತ ಮಸ್ತಿ ಮೆರೆಯುವ ಹುಂಬತನ ಮನದಲ್ಲಿ

ಸೂತ್ರವೆ ಹರಿದಿರುವ ಗಾಳಿಯ ಪಟವಿಲ್ಲಿ

ಹಾರುತ ಬಂದಿಹುದು ನೆಲೆಗಾಣದ ತಿರುವಲ್ಲಿ

ಈಗಾಗುವುದೇ ಉರಿ ತಾ ದೂರುವುದೇ ಪರಿ

ವೈಜ್ಞಾನಿಕತೆಯೆನ್ನುವ ಭ್ರಮೆಯಲ್ಲಿ

ನೋಡುವುದೇ ಸತ್ಯ ತಾನಾಡುವುದೇ ಮಿಥ್ಯ

ಮರೆಯುವ ಮಂಪರು ಮಂದಿಯಲ್ಲಿ

ಭರವಸೆ ನೀಡುವ ಸಂತೆಯಲ್ಲಿ

ಮಳೆಹನಿಗಳ ವ್ಯಾಪಾರ ಬಿಂದಿಗೆಯಲ್ಲಿ

ಬದುಕಿನ ನೀತಿ ಬಾಳ ಬಾಧ್ಯತೆ ಭೀತಿ

ತೊರೆಯುತ ಸಾಗುವ ದಾರಿಯಲ್ಲಿ

ವಿಚಾರಿಗಳಾ ಸದ್ದು ವಿಚಾರಗಳೇ ಮದ್ದು

ಏಳು ಬೀಳಿನ ಪಯಣಗಳಲ್ಲಿ

ಹುಲ್ಲ ಹೆಣೆದು

 ಅರಳುತಿರುವ ಮೊಗ್ಗು ಒಂದು

ಎದುರು ನೋಡುತಿಹುದು ಭಯದಿ

ಯಾರೋ ನಿಂತು ಕೊಯ್ಯಲಿಂದು 

ಪ್ರೀತಿ ಹೇಳುವರೇನೋ ನಯದಿ

ಭರವಸೆಯ ಬದುಕು ಬಂದು

ಬಯಸದಿರುವ ಬವಣೆ ಭರದಿ

ಕಲಿಸೋ ಪಾಠ ಕುಂಠಿತವೆಂದು

ಕಡಲ ಆಳ ಕವಡೆ ಲೆಕ್ಕದಿ

ಹುಟ್ಟಿ ಬರುವ ಜೀವಿಯೊಂದು

ಸೂತ್ರ ಹರಿದ ಪಾತ್ರಧಾರಿ

ಕ‌ಟ್ಟ ಬಹುದೇನೋ ಒಂದು

ಹುಲ್ಲ ಹೆಣೆದು ಗೂಡ ಬಾಳಲಿ

ಆಡೋ ಚಂಡು ಚಂದ್ರಮ

 ನನ್ನ ಎದೆಯ ತೋಟದಲ್ಲಿ

ಅರಳಿ ನಿಂತ ಪುಷ್ಪ ನೀನು

ಸುತ್ತ ಬಂದೆ ನಂದನವನ

ಅತ್ತ ಕಂಡೆ ಚಿತ್ತ ಚುಂಬನ

ಬೆಳೆದು ನಿಂತ ಲತೆಗಳಲ್ಲಿ

ಕಣ್ಣ ಕಾಮನೆ ನೀನೆಯೇನು

ಸುಳಿದು ಬಂದ ಗಾಳಿಯಲ್ಲಿ

ಮುದ್ದಿಸುವ ಅಧರ ಜೇನು

ಮನದ ರಾಗ ತಾಳಗಳಿಗೆ

ಮೊದಲ ಹೆಜ್ಜೆ ನೀನೆಯಿಟ್ಟೆ

ಮುಡಿದ ಪ್ರೀತಿ ಭಾವಗಳಿಗೆ

ರಂಗು ತುಂಬಿ ಜೀವ ಕೊಟ್ಟೆ

ನಮ್ಮ ಉಸಿರ ವಲಯಗಳಲ್ಲಿ

ಪ್ರೇಮಿ ಹೆಸರ ವಿನಿಮಯ

ಕೊನೆಯೇ ಇರದ ಜಾಗದಲ್ಲಿ

ಆಡೋ ಚಂಡು ಚಂದ್ರಮ

ಗುರಿ ಮುಟ್ಟುವ ತನಕ,

ವಿಚಾರಿ

ನಿತ್ಯ ನಿರ್ಮಲ ತರ್ಪಣ

 ಯಾವ ತೀರದ ಅಲೆಗಳಿಂದ ಹೆಜ್ಜೆ ಗುರುತು ಮಾಸಿದೆ?

ಬಂಧಿಯಾಗಿ ಸಂಬಂಧದಿಂದ ನಂಬಿಕೆಯು ಸೊರಗಿದೆ

ಇಲ್ಲೇ ಇರುವ ಪ್ರೀತಿ ಸ್ನೇಹಗಳು ಅಹಿತವೆಂದು ಅನಿಸಿದೆ

ಮೂಡಿ ಬರುವ ಭರವಸೆಯೊಂದೆ

ನಿತ್ಯ ನಿರ್ಮಲ ತರ್ಪಣ

ಕೂಡಿ ಬಾಳುವ ಮಾತುಗಳೆಲ್ಲ ಕನಸಿಗೊಂದು ಕಲ್ಪನೆ

ಸೂಡಿ ಬೀಸುವ ದಾರಿಯಲ್ಲಿ ಬೆಳಕಿಗೊಂದು ಭರವಸೆ

ಸೋತು ಏಳುವ ಜೀವಿಗೊಂದು

ಸುಪ್ತ ಮನಸಿನ ಪ್ರೇರಣೆ

ಶಾಂತಿ ನೆಲೆಸುವ ಜಾಗಕ್ಕೆಂದು

ಗುಪ್ತ ಕೆಲಸದ ಧೋರಣೆ

ಜೋಡಿ ಕೂಡುವ ಜೀವಿಗಳಲಿ ಅಪನಂಬಿಕೆಯ ನರ್ತನ

ರೇಖೆ ಅಳಿದ ಕರಗಳಲ್ಲಿ ಮುಂದೆ ಸಾಗುವ ಚಿಂತನ

ಅರಿವೆ ಒಂದು ಕಲಿಕೆಯೆಂದು ವಿಶ್ರಮಿಸವೇಕು ಬಾಳಲಿ

ಹೇಳಿಕೊಳ್ಳುವ ವಿದ್ಯೆಯೆಂದೂ ವಿಚಿತ್ರ ವಾದ ನಾಡಲಿ

ಗುರಿ ಮುಟ್ಟುವ ತನಕ,

ವಿಚಾರಿ

ರಾಗ ಹಾಕಿರಲು

ಭುವಿ ಜಿಗಿದಂತೆ ಬಾನೆತ್ತರಕೆ

ರವಿ ನಿಂತಂತೆ ಪಡುವಣಕೆ

ಕೈಯಲ್ಲಿ ಕೈ ಹಿಡಿದು

ನದಿ ತೀರದಿ ನಡೆದಿರಲು

ಹಾರುವ ಹಕ್ಕಿಯ ಹಾಡಿನ ಲಯವು

ಉದ್ವೇಗ ಚಿಮ್ಮಿಸಿ 

ನುಡಿಯುವುದಾ ಪ್ರೀತಿ

ನಿನ್ನಧರವ ಚುಂಬಿಸಿ

ಸಾಲಾಗಿ ಹಾರಿರಲು

ಆಕಾರ ನೀಡಿರಲು

ಕಣ್ಣೋಟ ಸೆಳೆಯುವುದು

ದನಿಗೊಂದು ರಾಗ ಹಾಕಿಹುದು

ಮುಸ್ಸಂಜೆ ಕವಿದಿರಲು

ಬೆಳದಿಂಗಳು ಹಾಸಿರಲು

ಧ್ಯಾನಿಸೋಣ ಈ ಸಂಜೆ ಅಳಿಯದಿರಲೆಂದು

ಮುದ್ದಿಸೋಣ ಈ ಮಾತು ಮುಗಿಯದಿರಲೆಂದು

ಗುರಿ ಮುಟ್ಟುವ ತನಕ,

ವಿಚಾರಿ