|| ಶಶಿ ಪ್ರೇಯಸಿ ||

ಬಾನಿನಲಿ ಬೆಳದಿಂಗಳಿಲ್ಲ

ಹಣತೆಯಲಿ ಉರಿದೀಪವಿಲ್ಲ

ಹಾಗಾದರು ನಿನ್ನಂದ ಬೆಳಗುತಿಹುದು

ಕಾರಣವು ಅಡಗಿರುವ ಆ ಚಂದಿರನು

ಹಣತೆಯಲಿ ನಂದಾದೀಪವಾಗಿಹನು ||

ನಿನ್ನಂದ ನೋಡಲು ನಿನ್ನೋಂದಿಗೆ ಸಾಗಲು

ಉರಿಯನು ನೀಗಲು ತುಸು ಛಳಿಯನು ನೀಡಲು

ಹಣತೆಯಲಿ ಅಡಗಿಹನು ಆ ಚಂದಿರನು

ನನ ಪ್ರೀತಿಗೆ ಸ್ಪೂರ್ತಿಯು ನಿನ್ನಂದವು

ಅದಕೊಡೆಯನಾಗಲು ನಾನು ಬಲುಚಂದವು ||

ಪ್ರತಿ ರಾತ್ರಿ ಕನಸಿನಲಿ ನಿದ್ದೆಯನು ಕೆಡಿಸುತಲಿ

ಮನಸಾರೆ ಬಯಸುತಲಿ ಗಮನವ ಸೆಳೆದಿಹಳು

ಕರಿಮಚ್ಚೆ ಎಡಬದಿಯಲಿ ಕೆಂದುಟಿಯ ಪಕ್ಕದಲಿ

ಮರೆಮಾಚುತ ದ್ರಷ್ಠಿಯನು ಅದೃಷ್ಠವೆ ತುಂಬಿಹುದು

ಮನದೊಡತಿ ಶಶಿ ಪ್ರೇಯಸಿ ನನ್ನವಳಾಗಿರುವಳು ||

|| ಶೋಧಕ||

ಅತಿ ಬೇಸರದಲಿ ದಿನಗಳನು ಕಳೆದಾಗಿದೆ

ನಿನ್ನನು ಹುಡುಕುವ ಪಾಡು ನನದಾಗಿದೆ

ಎಲ್ಲೆಂದು ನಿನ್ನನು ಅರಸಲಿ ಈ ಕರಿಗತ್ತಲಲಿ

ನೀ ನಿಲ್ಲದ ಬಾಳಿನಲಿ ಆವರಿಸಿದೆ ಇರುಳು

ಜನಿಸಿಹೆಯಾ ನನಗೆ ನೀ ಎಂಬ ಸತ್ಯ ಅರಿಯದು ||

|| ಅಪರೂಪದಂದ ||

ಬೆಳದಿಂಗಳ ಬೆಳಕಲ್ಲಿ
ಪ್ರಜ್ವಲಿಸೊ ಅಂದವನು
ಆ ಚಂದಿರ ತಾ ನೋಡಲು
ದುಮುಕಿ ಮೇಲೆ ಬಂದನು ||

ಕಣ್ಣಗಲಿಸೊ ರೂಪವನು
ನಾ ದಿಟ್ಟಿಸಿ ನೋಡಿರಲು
ಗಮನ ಸೆಳೆಯೊ ಮಾತುಗಳು
ಮನ ಸೆಳೆಯುತ  ಕೇಳಿಬಂದವು ||

ಹೂವಂತೆ ಅರಳಿರೊ ನಿನ ಮೊಗದಲಿ
ಅಪರೂಪದ ನಿನ್ನಂದವು
ಬಹುರೂಪದ ಆಸೆಗಳಿಗೆ
ಆನಂದದಿ ಜನ್ಮ ನೀಡಿದವು ||