Wednesday, April 25, 2012

|| ಬೇಸಿಗೆ ||

ವಸಂತ ಮಾಸವು ಸಡಗರದಿ ಬಂತು
ಕೋಗಿಲೆಗಾನದ ಜೊತೆ ಬಿಸಿಲದಗೆಯನು ತಂತು
ಪೂರ್ಣವಿರಾಮವಿಲ್ಲದ ಕೆಲಸದಲಿ
ಉರಿಯಿದು ಹೆಚ್ಚಾಯ್ತು ದೇಹದಲಿ ||

ಸೆಕೆಯನು ತಾಳಲಾಗದೆ ಅರಸಿದರು
ನೀರಿನ ಕೊಳವನು ಮುಳುಗಲು
ವಸ್ತ್ರವೆಲ್ಲ ಒದ್ದೆಯಾಯ್ತು ಹನಿಯಿಂದ
ಮೈಮೇಲೆ ಸುರಿಯುವ ಬೆವರಿನ ಮಳೆಯಿಂದ ||

ಎಲ್ಲರು ಅರಸುತ ಹೊರಟರು
ತಂಪಿನ ಕೋಣೆಯ ಕಡೆಗೆ
ದೇಹ ತಣಿಯದೆ ಬಳಲಿದೆ
ತಿರುಗುವ ಗಾಳಿಪಂಕದ ಕೆಳಗೆ ||

ಬಾಯಾರಿದ ಭೂಮಿಗೆ ವರ್ಷದ ಸ್ಪರ್ಷವಿಲ್ಲದೆ
ಅಡಗಿದೆ ಮುಗಿಲು ಕಡಲಿನ ತಳದಲಿ
ದಗೆಯಲಿ ಬೇಯುತ ತಂಪನು ಬಯಸುತ
ಏಂದೋ ಮಳೆಯನು ಸ್ವಾಗತಿಸುವುದು ಬೀಳ್ಕೊಡುತ ಬೇಸಿಗೆಯುನು ||

No comments:

Post a Comment