|| ಕಮರಿದ ಪ್ರೀತಿ ||

ನಿನ್ನ ಪ್ರೀತಿ ಮಾಡುತ

ನಾನು ಹೇಗೆ ಬಾಳಲಿ...?

ನಿನ್ನ ಸನಿಹವಿಲ್ಲದೆ

ನಾನು ಹೇಗೆ ಸಾಯಲಿ...?

ರಾತ್ರಿ ಕನಸಿನಲ್ಲು ನಿನ್ನ

ಒಲವನು ಕಾಣದೇ

ಹಗಲು ನನಸಿನಲ್ಲಿ

ಪ್ರೀತಿಯ ಅರಮನೆ ಕಾದಿಹೆ ||

ಕಣ್ಣ ಹನಿಯು ಉದುರಿದ ಹಾಗೆ

ಜೀವನ ಮುಗಿಯದು

ಒಂಟಿತನವು ಕಾಡಿದ ಮೇಲೆ

ಕಳೆದ ಪ್ರೀತಿಯು ಮರಳದು

ದೇವತೆಯಾಗಿ ಬಳಿಗೆ ಬಂದರೂ

ಪೂಜೆ ಮಾಡಲಾಗದೆ ಸೂತಿಹೆ

ಕೋಳೆ ಇರದ ಗುಡಿಯಲಿ

ನನ್ನ ಪ್ರೀತಿಯು ಬಾಡಿದೆ ||

ಮನೆಯೇ ಇರದ ಮಂಟಪದಲಿ

ನಿನ್ನ ಕೂರಿಸಿ ನೋಯಿಸಿದೆ

ಹೇಳದ ಹಲವು ರೀತಿಯಿಲಿ                                                                      

ನಿನ್ನ ಮಾನವ ಕಳೆದಿಹೆ

ನನ್ನ ಒಳಿತನು ಬಯಸುತ

ಮೇರು ಒಲವನು ತೋರಿದೆ

ಪ್ರೇಮದ ಗುರಿಯ ತಿಳಿಯದೆ

ನಿರ್ಲಕ್ಷದಲಿ ಪ್ರೀತಿಯು ಕಮರಿದೆ ||