ಪ್ರತಿಗೀತಿ ಇತ್ಯಾದಿ

 ನೀನು ನಾನಲ್ಲ ನೀನೆ ನಾನಲ್ಲ

ನೀನೆ ನಾನೆಂಬ ನನ್ನ ನಿನ್ನ ಬಿಂಬ 

ತೋರುವುದು ಜಗಕೆಲ್ಲ ಒಣ ಜಂಭ

ಭಾನು ಅಳಿದಾ ಮೇಲೆ ಬೆಳಕು ಕಳೆದಾ ಮೇಲೆ 

ತೋರುವುದು ಇನ್ನೆಲ್ಲಿ ಪ್ರತಿಬಿಂಬ

ಮಾತು ಕೊಟ್ಟ ಮೇಲೆ ಮೌನ ಬಿಟ್ಟ ಮೇಲೆ

ಮಾತು ಮಾತಾಗೇ ಉಳಿಯಲ್ಲ ಒಂದು ಮಾತಾಗೇ ಉಳಿಯಲ್ಲ

ಕೊಟ್ಟಾ ಮಾತಾ ನೀನು ಮುರಿದು ಬಿಟ್ಟ ಮೇಲೆ ಅಪರಾಧಿಯಾಗುವೆಯೋ ಜಗಮಲ್ಲ

ಕುಟುಕು ಮಾತಿನ ಮಾಲೆ ಕಪಟಿ ಮೋಸದ ಜಲ್ಲೆ

ಜೋಡಿಸದು ಎರಡಂಕಿಯ ಜನರನ್ನ

ಕಡಿಯುವುದು ಸೂರಾದ ಮಡಿಲನ್ನ

ನೀತಿ ತೊರೆದಾ ಮೇಲೆ ಮೌನ ಮುಡಿದಾ ಹಾಗೆ

ಎಲ್ಲಂತ ಸಿಗುವುದು ಪ್ರತಿಗೀತಿ ಇತ್ಯಾದಿ

ಪುಟವನು ಸೇರು

ನೀನೊಬ್ಬ ಅನುಭವಿ ಬಾಳಿನಲಿ ಸೋತಾಗ

ಕಲಿಕೆಯ ಪರಿವಿಡಿ ಛಲದಲಿ ಪುಟಿದಾಗ

ದುಡಿಮೆಯ ಹಠಬೇಕು ವಿಜಯವ ಧರಿಸಲು

ಒಲುಮೆಯ ಹಿತಸಾಕು ಅರಿಯನು ಮಣಿಸಲು

ಚಟವನು ತಡೆದು ಏಣಿಯ ಏರು

ಕೆಡುಕಲಿ ನಿಂತಾಗ ಸೂತಕ ಮನದಲಿ

ಕಸಿವಿಸಿಯಾದಾಗ ಜಾತಕ ಕೈಯಲಿ

ಒಳಿತನು ಬಯಸಲು‌ ಒಸಗೆಯು ಬೇಡ

ಉಸಿರನು ಕಾಯಲು ಬೆಸುಗೆಯು ಬೇಡ

ಪ್ರೀತಿಯ ಹಂಚುತ ಪುಟವನು ಸೇರು

ನವಿಲಿನ ಕುಣಿತ ಕೋಗಿಲೆ ಹಾಡು

ನೋವಿನ ಸಾವಿನಲಿ ನಲಿವಿನ ಯುಗವುಂಟು

ನವಿಲಿನ ಕುಣಿತಕ್ಕೆ ಕೋಗಿಲೆ ಹಾಡುಂಟು

ಎನ್ನುತ ಬದುಕುವುದೇ ಭರವಸೆ ಜೀವನ

ಸೋಲು (ಸೋಲೆ) ಗೆಲುವಿನ ಮೂಲ ಸ್ವಾರ್ಥ ಬದುಕಿಗೆ ಶೂಲ

ಮರೆತವ ನೀನಾಗು ತೊರೆದು ಅಹಮ್ಮಿನ ಮೇಳ

ಸ್ಪೂರ್ತಿಗೆ ಪದವುಂಟು ಸ್ನೇಹಕೆ ತಪವುಂಟು

ಪ್ರೀತಿ ಪ್ರೇಮದಗಳಿಕೆ ಹೊತ್ತಿನ ಬಳುವಳಿಯು

ಕಲಿಯುವ ಹಪಹಪಿಗೆ ಮನದಲಿ ಛಲವುಂಟು

ಹಾರುವ ಕಪಿಗಳಿಗೆ ಉಣ್ಣುವ ಗುರಿಯುಂಟು

ಜನಿಸಿದ ಮಗುವೆಂದೂ ಹುಲ್ಲುಣ್ಣಲಾರದು

ಎಂಬೆಲ್ಲ ಮಾತಲ್ಲಿ ಬಾಳಿನ ಗುಟ್ಟುಂಟು

ಗುಟ್ಟರಿಯದ ಬದುಕು ವ್ಯರ್ಥಕೆ ಸಮವುಂಟು

ತಳಿದವನ ಬಾಳಲ್ಲಿ ನಿಲುಗಡೆ ಖಚಿತವು

ನಲಿವಿನ ಅಲೆ

ಬೆಳದಿಂಗಳ ಬಟ್ಟಲಿನಲ್ಲಿ ಬಾವದ ಬೆರಣಿಯ ಬಡಿವೆ

ಬದುಕಿನ ಬುಟ್ಟಿಯಲ್ಲಿ ಬಳಲಿದ ಬೆವರನು ಬಿಡುವೆ

ನಮ್ಮೆನೆ ಚಂದಿರ ನಗುತಲಿ ನೋಡುವ ಹರೆಯುತ ಒಳಹೊರಗೆ

ಹನಿಯನು ಸುರಿಸುತ ಮಡಿಲನು ತುಂಬುತ

ನಲಿವಿನ ಅಲೆಯಲಿ ಅಲೆದಾಡಿಸಿದೆ

ತೊಟ್ಟಿಲಲಾಡುತಲಿ ಮನಸಲಿ ಮೇಯುತಲಿ

ಮನಸೂರೆಗೊಳ್ಳುವ ಮನಮೋಹಕ

ಮರೆವೆನಾಕಥೆಯನು ಬಳಲಿರುವ ವ್ಯಥೆಯನು

ನಿನ್ನ ತೂಗುವ ಹೊತ್ತಲಿ ಲಾಲಿ ಹಾಡುತಲಿ

ಕಣ್ಣೆದುರಲಿ ಆಗುವ ಮುಂದೆ ಎದುರಾಗುವ

ಏರಿಳಿತವೆಲ್ಲವು ಸಮವಾಗಲಿ ಎತ್ತರಕೆ ಏರುತ ಹಸಿರಾಗಲಿ

ಬೇಕೆ ಈ ಅಮ್ಮಂದಿರ ದಿನ?

 ಅಮ್ಮ ಎಂದೆರೆ ಪ್ರತಿ ಕ್ಷಣದ ದೇವರು

ಅವಳಿಗ್ಯಾಕೆ ವರ್ಷಕ್ಕೊಂದು ದಿನವ ಮಾಡಿಹರು?

ಇದ ನೋಡಲು ನಾಚಿಕೆಯಾಗುವುದು

ವರ್ಷಕ್ಕೊಮ್ಮೆ ಪ್ರಚಾರಕ್ಕಾಗಿ ಬಾವುಕರಾಗುವ ಜನರು

ಸ್ವಾಸ್ತ ಸಮಾಜದ ಪರಿಕಲ್ಪನೆಯೇ ಮರೀಚಿಕೆಯಾಗಿಹುದು

ಹೊತ್ತು ಹೆತ್ತು ಸಲುಹಿದವಳ ಗೂಡಲ್ಲಿಡಲಾಗದೆ

ಗುಡಿಯಲ್ಲಿಟ್ಟು ವಾರ್ಷಿಕ ಪೂಜೆ ಮಾಡಿದರೊಳಿತೆ?

ಹೆತ್ತವರ ಹೀನಾಯ ಸ್ಥಿತಿಯನಾವರಣ ವೃದ್ಧಾಶ್ರಮದಲಿ

ಪ್ರಜ್ಞಾವಂತರ ಮೌಢ್ಯತೆಯನಾವರಣಕ್ಕೊಂದು ದಿನ 

ವಿಶ್ವ ಅಮ್ಮಂದಿರ ದಿನವೆಂಬ ಶೀರ್ಷಿಕೆಯ ಸುದಿನ... ಛೀ...

ಗುರಿ ಮುಟ್ಟುವ ತನಕ,

ವಿಚಾರಿ

ಗೋ ಜೀವನ

ಅಂಬಾ ಎಂಬ ಕೂಗ ಕೇಳಿ

ಅಮ್ಮಾ ಜನಿಸಿಹಳು

ಜನಿತ ಮಗುವಿನ ಮೊದಲ ಶಬ್ದವೇ

ಉಂಙೆ ಆಗಿಹುದು

ಕಂದಾ ಸಾಗುವ ಮೊದಲ ಚಲನೆಗೆ

ಅಂಬೆಗಾಲೆನ್ನುವರು

ಮಗುವಿಗೆ ಕಲಿಸುವ ಮೊದಲ ನೀತಿಯೆ

ಪುಣ್ಯಕೋಟಿಯಾಗಿಹುದು

ಜನಿತ ಕಂದಗೆ ನೀಡುವ ಹಾಲಿಗೆ

ಗೋವೆ ಬೇಕಿಹುದು

ಮಗುವಿನ ಪ್ರೀತಿಗೆ ಮೊದಲ ಪ್ರಾಣಿಯೇ

ಅಂಬಚ್ಚಿಯಾಗಿಹುದು

ಮನೆಯ ಸ್ವಚ್ಚತೆ ಮನದ ಶುದ್ಧತೆ

ಗೋಮಯ ಗೋಮೂತ್ರವಾಗಿಹುದು

ತೋಟಕೆ ಸಿಗುವ ಫಲವತ್ತತೆಯು

ಸಾವಯವ ಗೊಬ್ಬರವಾಗಿಹುದು

ಬೆಳೆವ ಮಗುವು ಪಡೆಯುವ ಫಲಗಳು

ಗೋವಿನ ಕೃಪೆಯಾಗಿರುವುದು

ಮುದಿ ಗೋವನು ಹೊಡೆಯುವ  ಮಾನವ

ಕಟುಕನ ಮನೆ ಕಡೆಗಾಗಿವುದು

ಪಡೆಯುವುದೊಂದೆ ಮನುಜನ ಮೂಲ

ನಿರ್ದಯಿಯಾಗಿರಲು

ಉಳಿದವರೆಲ್ಲಾ ಹಸುವನು ಸಾಕಬೇಕು

ತಾನೊಬ್ಬ ಸ್ವಾರ್ಥಿಯಾಗಿರಲು

ದುಡ್ಡನು ನೀಡುವೆ ದನಿಯನು ಎತ್ತುವೆ

ಶಾಲನು ಹೊದೆಯುವ ತೋರಿಕೆಗೆ

ಮಾತಲೇ ಮಡಿಯನು ಧರಿಸುವ ಜನರು

ಗೋನಾಶಕೆ ನಾಂದಿ ಹಾಡಿಹರು

ಶ್ರಮಿಸೇ ಮೇಲಕೇರು

ತೆರೆದ ಬಾವ ಭಕುತಿಯಲ್ಲಿ

ನುಡಿಯೆ ಅದರ ಖ್ಯಾತಿಯ

ಜನಿಪನಾವ ಧರಣಿಯಲ್ಲಿ

ಶ್ರಮಿಸೇ ಮೇಲಕೇರುವ

ಬಗರಿಯಾಟ ಬದುಕಿನಲ್ಲಿ

ತಿರುಗಿ ಸೇರಿ ನಿಲ್ಲಲು

ಗೋಲ ಭೂಮಿಯ ವೃತ್ತದಲ್ಲಿ

ಬಿಟ್ಟ ಜಾಗ ತಲುಪಲು

ಸತ್ತ ಮನಸಿನ‌ ಸುತ್ತಲಲ್ಲಿ

ಭಾರಿ ಬಯಕೆಯು ಉಳಿವುದೇ?

ಸೋತ ಕನಸಿನ ವ್ಯಥೆಗಳಲ್ಲಿ

ಕೊನೆಯಿದೆಂದು ಲೆಕ್ಕವೇ?

ನುಡಿವ ಭಕ್ತಿ ಶೋಕಿಗಾಯ್ತು

ಬಗರಿಯಾಟ ಬದುಕಿಗಾಯ್ತು

ಸತ್ತ ಮನಸಿಗಿಲ್ಲ ಬಯಕೆಯು

ಬಂದು ಹೋಗಲು ಲೆಕ್ಕ ಚುಕ್ತವು