ನವಿಲಿನ ಕುಣಿತ ಕೋಗಿಲೆ ಹಾಡು

ನೋವಿನ ಸಾವಿನಲಿ ನಲಿವಿನ ಯುಗವುಂಟು

ನವಿಲಿನ ಕುಣಿತಕ್ಕೆ ಕೋಗಿಲೆ ಹಾಡುಂಟು

ಎನ್ನುತ ಬದುಕುವುದೇ ಭರವಸೆ ಜೀವನ

ಸೋಲು (ಸೋಲೆ) ಗೆಲುವಿನ ಮೂಲ ಸ್ವಾರ್ಥ ಬದುಕಿಗೆ ಶೂಲ

ಮರೆತವ ನೀನಾಗು ತೊರೆದು ಅಹಮ್ಮಿನ ಮೇಳ

ಸ್ಪೂರ್ತಿಗೆ ಪದವುಂಟು ಸ್ನೇಹಕೆ ತಪವುಂಟು

ಪ್ರೀತಿ ಪ್ರೇಮದಗಳಿಕೆ ಹೊತ್ತಿನ ಬಳುವಳಿಯು

ಕಲಿಯುವ ಹಪಹಪಿಗೆ ಮನದಲಿ ಛಲವುಂಟು

ಹಾರುವ ಕಪಿಗಳಿಗೆ ಉಣ್ಣುವ ಗುರಿಯುಂಟು

ಜನಿಸಿದ ಮಗುವೆಂದೂ ಹುಲ್ಲುಣ್ಣಲಾರದು

ಎಂಬೆಲ್ಲ ಮಾತಲ್ಲಿ ಬಾಳಿನ ಗುಟ್ಟುಂಟು

ಗುಟ್ಟರಿಯದ ಬದುಕು ವ್ಯರ್ಥಕೆ ಸಮವುಂಟು

ತಳಿದವನ ಬಾಳಲ್ಲಿ ನಿಲುಗಡೆ ಖಚಿತವು