ಮಗಳು ಧೃತಿ

ಆ ಪುಟ್ಟ ಕೈಯಲ್ಲಿ

ಚಿವುಟಾಡುವಾಗ

ಮನದಾಳದ ಖುಷಿಯೆಲ್ಲಾ

ಹೊರ ಹೊಮ್ಮಿತಾಗ

ಮೃದುವಾದ ಕಾಲಲ್ಲಿ

ನೀ ಒದೆಯುವಾಗ

ಎದೆಯಾಳದ ನಗುವೆಲ್ಲಾ

ಹೊರ ಚಿಮ್ಮಿತಾಗ

ನೀನೆ ನನ್ನ ಜಗವು

ನಿನ್ನಿಂದಲೆ ಹೊಸ ಯುಗವು

ಆ ತುಂಟ ನಗುವಲ್ಲಿ

ಮರೆವುದು ಎಲ್ಲಾ ನೋವು

ನವ ಮಾಸ ಕಳೆಯಿತು

ತಪಸಿನ ದ್ಯಾನದ ರೀತಿಯಲಿ

ತಂಪಾದ ಗಾಳಿ ಬೀಸಿತು

ಜನುಮದ ಸುದ್ದಿ ಕರೆಯಲ್ಲಿ

ಬಯಸಿದ ಪುಟಾಣಿ ಮುದ್ದು

ಅಳಿಸದೆ ಅಳುವ ನಿನ್ನ ಸದ್ದು

ಹೆರಿಗೆಯ ನೋವಲು ನಗುವ

ಕಂಡೆ ತಾಯಿ ಮೊಗದ ಬಾವ

ಭಯದಲಿ ಕಳೆದೆವು ನಿರತ

ದೇವರೆ ನೀನೆ ಗತಿಯೆನ್ನುತ

ಹೊಸತಿಗೆ ಕಾಯುತ ಸತಿ ಪತಿ

ಕ್ಷೇಮದಿ ಜನಿಸಲು ಮಗಳು ಧೃತಿ