ಶ್ರಾವಣ ಶೃಂಗಾರ

ಶೃಂಗಾರಕೆ ಮೀಸಲದುವೆ
ಶ್ರಾವಣ ಮಾಸ
ವಿಷಯವನು ವಿನಿಮಯಿಸೆ
ಹೊಂದಾಣಿಕೆ ರಸ

ಶ್ರಾವಣದಲೆ ಬರುವುದುಂಟು
ಸೋಣೆ ಸಂಕ್ರಾಂತಿ
ತೋಟಗಳಲಿ ಊಳುವುದುಂಟು
ಮಾಡುತ ಸಂ ಕ್ರಾಂತಿ

ಶ್ರಾವಣಕು ಶೃಂಗಾರಕು
ಇರುವುದು ಆ ನಂಟು
ಆಷಾಡದ ವಿರಹಗಳನು
ಅಳಿಸುವುದು ಈ ಅಂಟು

ಕಾಮಕಾಗಿ ಹಪಹಪಿಸುವ
ಜನಕೆ ಹೇಳುವ ಮಾತುಂಟು
ಆಡಬೇಡ ಸೋಣೆ ಕುನ್ನಿಯ ಹಾಗೆ
ಹಾಕುವ ಮೊದಲು ಮೂರುಗಂಟು

ಆಷಾಡಲಿ ದೂರಿರುವ
ದಂಪತಿಗಳಿಗೆ ಮೀಸಲಾದ
ಶ್ರಾವಣದಲಿ ಜೊತೆಯಾಗುವ
ಜೋಡಿಗಳ ಶೃಂಗಾರದ ನಾದ

ಅನುರಾಗಕೆ ಮುಡಿಪಾಗಿದೆ
ಜನರ ಮಾತಿನಲಿ ಉಳಿದೋಗಿದೆ
ಹಾಡಿನಲೂ ಪದವಾಗಿದೆ
ಶ್ರಾವಣವೆಂದರೆ ಶೃಂಗಾರವಾಗಿದೆ