ನೋಡಲಾಗದ ವ್ಯಥೆ

ದುಃಖ ತುಂಬಿದ
ಮೊಗದಲಿ ಕಂಡೆ
ಕಡಲ ಅಲೆಯಂತ ಕಂಬನಿ
ಮನಸಾರೆ ಅತ್ತುಬಿಡು
ಹರಿದು ಹೋಗಲಿ
ಕೊರಗಲು ತುಂಬಿದ ಕಣ್ಣೀರು

ನಾ ತಿರುಗಿ ನೋಡಲಾರೆ
ಭಾವ ಶರದಿಯ ಮುಖವನು
ನನ್ನ ಕಾಡುತಿದೆ ಪಾಪ ಪ್ರಜ್ಞೆಯು
ಏನು ಮಾಡಲಾಗದೆ ಕುಳಿತು
ಸೋಲಿನ ಅಸಾಹಯಕತೆಯು
ಮರುಗುವ ಮನಸನು ಮರೆಯಾಗಿಸು
ಭವ್ಯ ಭರವಸೆಯ ಮಡಿಲಿನಲಿ

ನಿನ್ನ ಕೆಂಗಣ್ಣಿನ ನೋಟಕೆ
ದುಮ್ಮಾನದ ಬಾಣವು
ಒಂದೊಂದೆ ಬಂದು ನಾಟುತಿದೆ
ನನ್ನೆದೆ ಕರುಣೆಯ ತುಮುಲಕೆ
ಸತ್ತ ದೇಹವು ಎದ್ದೇಳುವಂತೆ ಗೋಳಾಡು
ತುಂಬಿದ ನೋವು ಕರುಳಿಂದ ಹೋಗಲಿ
ಚಿರಶಾಂತಿಯ ಸಂವೇದನೆಯಲಿ