Monday, May 22, 2017

ಮತ್ತೆ ಸುರಿಯಲಿ

ಮತ್ತೇ ಮತ್ತೆ ಹನಿಯುದುರುವುದೇ?
ಬಡವ ಬಯಸಿದ ಮಣ್ಣ ಹೊನ್ನಾಗಿಸಲು
ಇಳೆಯ ದಾಹ ನೀಗಿಸಲು
ಹಸಿರಿನ ಬಣವ ಹೆಚ್ಚಿಸಲು
ಧೋ ಎಂದು ಸುರಿಯಲಿ ಮುಂಗಾರು ಮಳೆ


ಬೀಜ ಬಿತ್ತುವ ರೈತನ ಕಾತುರಕೆ
ಎಂದು ನೆನೆಯುವುದು ತಣಿದ ಧರಣಿ?
ಸಮೀಪಿಸಲಿ ತುಂಡು ಮೋಡಗಳು
ಗುಡುಗು ಮಿಂಚುಗಳು ಆರ್ಭಟಿಸಲು
ನೆನೆಗುದಿಗೆ ಬಿದ್ದಿರುವ ಊಳುವ ಕೆಲಸಕೆ
ಚಾಲನೆ ಸಿಗಲಿ ಬೆನ್ನೆಲುಬಿನ ಮೂಲಕ
ಧೋ ಎಂದು ಸುರಿದಾಗ ಮುಂಗಾರು ಮಳೆ

ಜಾನುವಾರುಗಳ ಬವಣೆ ನೀಗಲು
ಮೇವುಗಳು ಬೆಳೆಯಲಿ ವಿಫುಲವಾಗಿ
ನೀರಡಿಕೆಯ ದಾಹ ಕುಂದಲು
ಕರೆ ಕಟ್ಟೆಗಳು ತುಂಬಿ ಹರಿಯಲಿ
ಉರಿತಾಪದ ಧಗೆಯು ಆರಲು
ಹಸಿರಿನೆಲೆಗಳ ತಂಗಾಳಿ ಬೀಸಲಿ
ಧೋ ಎಂದು ಸುರಿದಾಗ ಮುಂಗಾರು ಮಳೆ

No comments:

Post a Comment