Monday, May 15, 2017

ಕಾರ್ಮೋಡ

ಬೆಳ್ಳಿ ಮುಗಿಲು ಮರೆಯಾಗಿದೆ
ಕಸವಿರದ ಕಾರ್ಮೋಡ ಕವಿದಿದೆ
ಇಳೆಯಲ್ಲರಳಿದ ಬೆಳಕು ಬರಿದಾಗಿದೆ
ಇರುಳಿನ ಛಾಯೆಯು ರವಿಯನ್ನು ನುಂಗಿದೆ

ಕಡಿದಾದ ಕರಿ ಮೋಡದ ಭಾರಕೆ
ಸ್ಥಿರವಾದ ಬಾನೇ ಬಾಗಿದೆ
ಹನಿಗಳ ಸುರಿಸಲು ಮೊದಲಾನ್ವೇಷಣೆಗೆ
ಹರಿವ ನದಿಗಳ ದಾರಿಯ ನೋಡಲು ಕಡಲಿನೆಡೆಗೆ

ಕಾರ್ಮೋಡ ಕವಿದಿರಲು ಹಲವು ಭರವಸೆಗಳು
ಕುತ್ತಿಗೆಯ ಮೇಲೆತ್ತಿ ಹಂಬಲಿಪ ಮನಗಳು
ಬಿತ್ತನೇಯ ಬೀಜವ ಅರಸುವ ಕಣ್ಣುಗಳು
ದಾಹ ನೀಗಬಹುದೇ ಧರಿತ್ರಿಯ ಒಡಲಿನೊಳು?

No comments:

Post a Comment