|| ಅಳಿಸಲಾಗದು ||

ಆ ಚಂದ್ರ ಸತ್ತ ದಿನದಿ
ಪುಷ್ಪಗುಚ್ಚ ನಾನಿಡುವೆ
ನಿನಗೆಂದು ತಂದ ಹೂವ
ಚಿಪ್ಪರ್ಸಿ ಒಗೆದಿರುವೆ
ನಿನ್ನ ಮೊಗದ ಕಾಂತಿಗೆ
ನಾಚಿ ತಿಂಗಳಿಗೊಮ್ಮೆ 
ಆತ್ಮಹತ್ಯೆ ಮಾಡಿಕೊಳ್ಳುವನು
ಅಮವಾಸ್ಯೆ ಎಂದು ಹೇಳಿ
ಸುಮ್ಮಗಾಗಿ ಹೋಗುವರು ||

ನಿನ್ನ ಪ್ರೀತಿ ಪರಿಚಯಕ್ಕೆಂದು 
ಧಾರವಾಹಿ ಮಾಡುವೆನು
ಹಿನ್ನಲೆಯ ಸಂಗೀತಕ್ಕೆ
ಭಾವವೀಣೆ ನುಡಿಸುವೆನು
ತಲೆಗೊಂದು ಮಾತು ಕೇಳಿ
ನಿನ್ನ ಮನಸು ಹಾಳಾಯ್ತು
ಮುದ್ದಿಸುವ ಮನಸ್ಸಿನಲ್ಲಿ
ಮಂಜು ತುಂಬಿ ಕುರುಡಾಯ್ತು ||

ನಗುತ ಬಾಳುವ ವಾಸಸ್ಥಾನ
ಸೊರುತಿರುವ ಸೂರಿನಲಿ
ನೋಡಬಹುದು ಉರಿವ ಚಂದ್ರನ
ಹೆಣದಂತೆ ನಾ ಮಲಗಿ
ಹಣೆಯ ಬರಹ ಓದಲಾಗದು
ಪ್ರೀತಿ ಬರಹ ಅಳಿಸಲಾಗದು
ಎಂದು ಬರೆದೆ ಪುಟಗಳಲ್ಲಿ
ವಿರಹ ಗೀತೆ ಶೀರ್ಷಿಕೆಯ ||