|| ಹಣದಿಂದ ಹೆಸರುಳಿಯದು ||

ಧನವಿಲ್ಲದ ಬಾಳು

ದನ ಕರುಗಳ ಪಾಡು

ಹೇಗೆ ಬೆರೆಯಲಿ

ಜನರ ಜೊತೆಯಲಿ

ಹಣದ ಕೊರೆತೆಯೆ

ತೊಡಕು ಮಾಡುವುದು ||

ಎಲ್ಲರು ನೋಡುವ ದೊಡ್ಡಪ್ಪ

ಎಲ್ಲರಿಗು ಬೇಕು ದೊಡ್ಡಪ್ಪ

ಸಾಯಂ ಪ್ರಾತವು ದುಡಿತವೆ

ಗಳಿಸುವುದು ಹಾಳು ಹೊಟ್ಟೆಗಾಗಿ

ಮಾನ ಮುಚ್ಚುವ ತುಂಡು ಬಟ್ಟೆಗಾಗಿ

ಮುಗಿಯದು ಜೀವನದಲ್ಲಿ ಸ್ವೇದದ ಗೋಳು ||

ತಾನು ಬಲವಾದರೆ ಜಗ ಬಲವು

ಕಾಸಿದ್ದರೆ ಕರೆಯೋಲೆ ಕೊಡುವರು

ದುಡ್ಡಿದ್ದರೆ ಬದುಕೆಂದು ಮಾಡಿರುವರು

ನಗದನ್ನು ನೀಡುತ ಕೀರ್ತಿಗೆ ಸ್ಪರ್ಧೆಗಳು

ಅಂತಸ್ತು ನೋಡಿ ಮಾತನಾಡಿಸುವುದು

ಹನವಿದ್ದರೆ ಹೆಣಕೂಡ ಬಾಯಿ ಬಿಡುವುದು ||

ಪ್ರತಿಷ್ಠೆಯ ನೋಡಿ ಮೊಳವ ಹಾಕಲು

ಸಂಪತ್ತಿಲ್ಲದ ಈ ಮನುಜ ಬದುಕಲು

ಎದುರಿಸಬೇಕು ನೂರಾರು ಅಡೆತಡೆಗಳ

ಜೀವಕ್ಕಿಲ್ಲದ ಬೆಲೆಯು ನಿರ್ಜೀವಕೇಕೆ?

ತುಚ್ಛವಾಗಿ ಕಾಣುವ ಕ್ರಮಗಳೇಕೆ?

ಆಸೆ ಪಡಲು ಸಹ ಐಶ್ವರ್ಯವಿರಬೇಕೆ? ||

ಬದುಕಲ್ಲಿ ಬೆವರಿಳಿಸುವ ಬವಣೆಯು

ಜನರೆದುರು ಸ್ವಾರ್ಥ ತೋರಿಕೆಯು

ಸ್ವಂಥ ಬದುಕಿನ ಖುಷಿಯ ಮರೆತು

ಯಾಂತ್ರಿಕ ಜೀವನದಲಿ ಕುಳಿತು

ಏತಕೆ ತನ್ನತನವ ತೊರೆಯುವುದು
ಗಳಿಸಿದ ಹಣದಿಂದ ಹೆಸರುಳಿಯದು ||