ಅರ್ಧ ಸತ್ಯ

ಮಾನದಲಿ ಸತ್ತಿರಲು
ಮೌನದಲಿ ಬೆಂದಿರಲು
ಏನೋ ಆಗಿರುವ ಬದುಕಿನಲ್ಲಿ
ನಡೆದ ಘಟನೆಗೆ ನಿಂದನೆಯೇಕೆ
ಪರರ ಮಾತಿಗೆ ಮಾನಕೆ ಅಂಜಿ
ಅಳಿಯುವ ಜೀವದ ಕಥೆಯಿದು ಕೇಳಿ...

ಯಾರೊ ಮಾಡಿದ ತಪ್ಪಿಗಿಂದು
ಜರಿಯುವ ಹೆಸರು ನನ್ನದೆಂದು
ಬದುಕು ಹೇಗೆ ಜಗದಲಿನ್ನು
ತೋಚದಂತ ಸಮಯದಲ್ಲಿ
ಜರಿಯುವ ಜನತೆಯ ಹೆದರಿಕೆಯಲ್ಲಿ
ಬದುಕುವ ಆಸೆಯ ಚಿವುಟಿರಲು
ಚರ್ಮಗೀತೆಯು ಕೇಳಿರಲು
ತುಳಸಿನೀರನು ಬಿಟ್ಟುತು ಬದುಕಿಗಿಂದು...

ಕೇಳಿದ ಮಾತುಗಳೆಲ್ಲ
ನಿಜದ ಕೂಸುಗಳಲ್ಲ
ನಂಬಿಕೆ ಮೂಡದೆ ನಿರ್ಣಯ ಬೇಡ
ಮಾಡದ ಕೆಲಸದಲ್ಲಿ
ಅಪರಾಧಿಯು ಯಾರಿಲ್ಲಿ
ಬಾಳಲು ಸ್ಪೂರ್ತಿ ತುಂಬಲು ಕಾರಣವು
ಬಿಂಬಿತ ಜೀವದ ಹಿಂದೆ ಇರುವುದು
ಗುರುತಿಗೆ ಕಾಣದ ಅರ್ಧ ಸತ್ಯವು...