|| ನಿನ್ನಂದದ ಹಚ್ಚೆ ||

ನಾನೆಲ್ಲಿ ತಲೆಯನಿಡಲಿ

ನಿನ್ನ ತೋಳಿನ ಹಾಸಿಗೆಯಿಲ್ಲದೆ

ದೇಹವೆಲ್ಲೆ ಒರಗಲಿ

ನಿನ್ನೆ ಬಯಸುವುದು ಮುಜುಗರವಿಲ್ಲದೆ ||

ಮಡಿಲಲ್ಲಿ ಮಲಗಲು

ನಾ ಮಾತನಾಡುವ ಮೂಕ

ದಿಟ್ಟಿಸಿ ನೋಡಲು

ನಾ ಕಣ್ಣಿದ್ದರು ಕುರುಡ ||

ನಿನ್ನ ದನಿಯನು ಕೇಳಲು

ನಾನು ಕಿವಿಯಿರುವ ಕಿವುಡ

ನಿನ್ನ ಮುಂಗುರುಳು ಸೋಕಲು

ನಾನು ಸ್ಪರ್ಷಜ್ಞಾನವಿಲ್ಲದ ಪೆದ್ದ ||

ಕಳೆದೋಗುವೆ ನಾ ನಿನ್ನೊಂದಿಗಿರಲು

ಕಳೆದುಕೊಂಡಂತಿರುವೆ ನನ್ನೆಲ್ಲ ಶಕ್ತಿಯನು

ಸೋತಿರುವೆ ನಿನ್ನೊಲವಿಗೆ ನಾನು

ಕಣ್ಗುಡ್ಡೆಯಲ್ಲಿ ನಿನ್ನಂದ ಹಚ್ಚೆಯಾಗಿರಲು ||