Friday, May 3, 2013

|| ಹೊಸ ಬದುಕು ||

ಯಾವ ಕಾಮನಬಿಲ್ಲು ಕಂಡಿತು
ದೂರತೀರಕೆ ಜಾರಲು
ಎಲ್ಲ ಸುಂದರ ದೂರದಿಂದಲಿ
ಸನಿಹ ಸಾಗಲು ತಿಳಿವುದು ||

ಮುಳ್ಳು ಹಾಸಿಗೆ ಕಲ್ಲು ಮಂಚದಿ
ವಿಶ್ರಾಂತಿ ಪಡೆಯಲು ಆಗದು
ಬೇಕುಗಳಿಗೆ ಬೇಲಿ ಹಾಕಲು
ಬೇಡದಂತೆ ಬದುಕಲಾಗದು ||

ಕಾಣದೂರಿನ ಆಚೆಯೆಲ್ಲೊ
ಕವಿಯ ಕಲ್ಪನೆ ಮೀಟಿದೆ
ಹೊಳೆಯ ಸುಳಿಯಲಿ ಮೂಕವೇದನೆ
ತಿಳಿಯದಂತೆ ಕೇಳಿದೆ ||

ವಿಧಿವಶವಾಗಲು ನಿನ್ನ ಪ್ರಾಣವು
ಪರವಶವು ನಿನ್ನ ಈ ದೇಹವು
ನಿನ್ನದೆಲ್ಲವ ಬಿಟ್ಟು ಹೋಗಲು
ಹೊಸದು ಬದುಕಲಿ ಬಾಳಲು ||

No comments:

Post a Comment