Saturday, May 18, 2013

|| ಅಮ್ಮ ||

ಜಗ ನುಡಿವುದು ದಿನವು
ನಿನದೆಂದು
ಬಾಹ್ಯ ಪೂಜೆಗೆ ತೊರ್ಪಡೆಯು
ದಿನವೆಂದು
ನಿನ ಪ್ರೀತಿಗೆ ಸರಿಸಾಟಿಯಿಲ್ಲದು
ಲೋಕದಲಿ
ಬೇರೆಲ್ಲೂ ಇರುವುದ ನಾ ಕಾಣೆನು
ಕಣ್ಣಂಚಲಿ
ಜಗ ತಿಳಿಸಿ ಸರಿ ದಾರಿ ತೋರುವ
ಗುರುವು ನೀ
ಶಿಲೆಯನು ಶಿಲ್ಪವಾಗಿ ಕೆತ್ತುವ
ಶಿಲ್ಪಿಯು ನೀ ||

ಪ್ರತಿಕ್ಷಣವು ಒಳಿತನ್ನ ಬಯಸುವ
ಒಲವಿನ ಪ್ರೀತಿಯು
ಹೊತ್ತು ಹೆತ್ತು ಸಲಹಿದ ತ್ಯಾಗಕೆ
ನಾ ಚಿರ ಋಣಿಯು
ದೇಹದ ನೋವಿಗೆ ಮನಸಿನ ಮಿಡಿತಕೆ
ಕೂಗುವೆವು ಅಮ್ಮಾ ಎಂದು
ಭಗವಂತನೆ ಶರಣಾಗಿಹನು ತಾಯಿಗೆ
ದೇವರು ನೀನೆಂದು
ಇದೊಂದು ದಿನ ನುಡಿಯಲಿ ಮಾಡುವುದು
ನಿನ ಭಜನೆ
ಪ್ರತಿ ದಿನ ಮನದಲಿ ಮಾಡುವೆನು
ನಿನ ಆರಾಧನೆ ||

No comments:

Post a Comment