|| ಆಶೀರ್ವದಿಸು ||

ದೀನ ನಾನು ದಾನಿ ನೀನು

ಮೋಕ್ಷವನ್ನು ನೀಡೆಯಾ

ಭಜಿಪ ಭಕ್ತರ ಪೊರೆವ ನಿನ್ನಯ

ಬಣ್ಣಿಸಲಾಗದು ಮಹಿಮೆಯ ||

ಸೋತ ಘಳಿಗೆ ಅಡಗಿ ಅಜ್ನಾತದಿ

ಧ್ಯಾನಿಸಿ ಮರಳಿ ಬಂದಿರಲು ಭಯದಿ

ಅಭಿನಂದಿಸಲು ಕಾದಿಹರೆಲ್ಲರ ನೋಡಿ

ನಿನ್ನ ಕರುಣೆಯ ಪಸರಿಸುವೆ ಜನರ ಕೂಡಿ ||

ನೀರ ಮೇಲಿನ ಗುಳ್ಳೆಯ ನಂಬಿ

ಮನೆಯ ಕಟ್ಟಿರಲು ಭದ್ರತೆಗೆ ಕಂಬಿ

ಗುಳ್ಳೆ ಒಡೆದು ಮನೆಯು ಉರುಳಿತು

ತೇಲಲು ತೆಪ್ಪ ಕಳುಹಿಸಿದೆ ಬದುಕಿಸಲು ||

ಹಲವು ಬಗೆಯಲಿ ಜಗವು ಕಾಡಿರಲು

ಹೇಗೆ ಬದುಕಲಿ ಕಲ್ಮಶವೇ ಉಸಿರಲು

ನಿನ್ನ ಭಜನೆ ನಿರತ ಮಾಡಿರಲು

ಉಸಿರಿಲ್ಲದೆ ಬದುಕುವಂತೆ ಹರಸಿದೆ ||

ಎಲ್ಲ ಹಂತದಲು ಪ್ರತಿ ಕ್ಷಣದಲು

ಸಾಯದಂತೆ ಈ ಜೀವವ ಕಾದಿದೆ

ತಂದೆ ಶರಣು ನರಹರಿ ನಾರಾಯಣ

ಆಶೀರ್ವದಿಸು ನೀಚನಾಗದಂತೆ ನನ್ನನು ||