|| ಸಂಪ್ರೀತಿ ||

ಆಸೆಯೊಂದು ಚಿಗುರಿತಂದು

ನಿನ್ನ ಮೊಹ ಅರಳಿದಂದು

ನಿನ್ನ ಇರುವು ನನ್ನ ಬರುವು

ಕಾಕತಾಳಿಯವಾದವು

ನಮ್ಮ ಜೀವಗಳು ಬೆರೆಯಲೆಂದು

ಕಾಲ ಕೂಡಿ ಬಂದಿತು ||

ನನ್ನ ನೇರನೋಟಕೆ ನೀ

ಕದ್ದುನೋಡೊ ಓರೆನೋಟ ಬೆರೆಸುತ

ನನ್ನ ಮನವ ಕದ್ದೆ ಅಲ್ಲೆ

ತಿರುಗಿ ದೂರು ನೀಡದಂತೆ

ನನ್ನ ಹೃದಯದಲಿ ನಿನ್ನ ಪ್ರೀತಿ ಬಿತ್ತುತ

ಫಲವ ನೀಡುವಂತೆ ಮಾಡಿದೆ ಹಸಿವನೆಲ್ಲ ನೀಗುಲು ||

ಮುಗುಳುನಗೆಯಲ್ಲೆ ನೀನು

ಸಮ್ಮತಿಯನು ಸೂಚಿಸಿ

ನನ್ನ ಎದೆಗೆ ಕನ್ನ ಹಾಕಿದೆ

ತೊರೆದು ಬದುಕುವ ಯೊಚನೆ ಅಳಿಸಲು

ಮೆಲ್ಲುಸುರಿನ ಗಾಳಿಗೆ ನಂದಾದೀಪ ಹಚ್ಚುತ

ನಂದಾದೀಪ ಬೆಳಗಲು ಭಾಗ್ಯಲಕ್ಷ್ಮೀಯಾಗಿಹೆ ||