|| ಭಾವ ಇಲ್ಲದಾಗ ||

ಭಾವ ಇಲ್ಲದ ಗೀತೆಯಲ್ಲಿ

ಭಾವ ಎಲ್ಲಿ ಹುಡುಕಲಿ

ಚಂದ್ರನಿಲ್ಲದ ಬಾನಿನಲ್ಲಿ

ಬೆಳದಿಂಗಳ ಹೇಗೆ ಕಾಣಲಿ

ಆಗದಂತಹ ಕೆಲಸ ಹೇಳಿ

ನನ್ನ ಅಳೆದು ತೂಗಿದೆ

ಹೃದಯದೂರಿನಲ್ಲಿ ನೆಲೆಸದೆ

ಹೋದೆ ನೀನು ಎಲ್ಲಿಗೆ ||

ನಿನ್ನ ಮೊಜಿನಾಟದಲ್ಲಿ

ಗೊಂಬೆಯಂತೆ ಕುಣಿದೆನು

ಸೂತ್ರ ಹರಿದ ಗೊಂಬೆಯಾಗಿ

ದಾರಿಪಾಲು ಆದೆನು

ಸೌದೆಯಂತೆ ಸುಟ್ಟುಹೊದೆ

ಸಕಲಕಾರ್ಯ ಸಿದ್ಧಿಗಾಗಿ

ಹೊಳೆಯಲ್ಲಿನ ಹೋಮವಾಯ್ತು

ನೆರವೇರಿದ ಕೆಲಸವು ||

ಸೂಜಿಮೊನೆಯ ಕೈಗಳಿಂದ

ನನ್ನ ದೇಹ ಸವರಿದೆ

ಹರಿವ ಎದೆಯ ರಕ್ತದಲ್ಲಿ

ನೀನು ಮಿಂದು ಮುಳುಗಿದೆ

ತೊಲಗಿಸಿದರೇನು ವರಿಸುವ ಮುನ್ನ

ಎಂದೆಂದು ನಗುತಿರು ನೋಡಲು ಚೆನ್ನ ||