ಮುಗುಳಿನ ಗಂಧ

ಬಯಲು ವೇದಿಕೆ ಮೇಲೆ

ಬೆಳೆದು ನಿಂತಾ ಮುಗುಳೆ

ಹೇಳು ಭೀಗುವ ಮುನ್ನ

ಯಾವ ಪಯಣವು ಭಿನ್ನ

ಎಲ್ಲೂ ಬೇಡದ ಮುನಿಸು

ಎಲ್ಲಾ ಬಯಸುವ ಕನಸು

ಹೊಂದಿದ ಬಗೆಯನ್ನು ತಿಳಿಸು

ಆಗುವ ಕಲೆಯನ್ನು ಕಲಿಸು

ನರಳಿ ತೂರುತಲಿರಲು 

ಬದುಕ ಬಂಡಿಯ ಒಳಗೆ

ಮಿಂಚು ಹುಳುವಿನ ರೀತಿ

ಮಿನುಗಿದಾ ದೀಪ

ತತ್ವವನು ತೊರೆದಂತೆ 

ಸಾಗಿದೆಯಾ ಬಾಳಿನಲಿ

ಸತ್ವವನು ಎದುರಿಟ್ಟು

ತೋರುವುದೇ ಕ್ರಾಂತಿ

ಜನರೆಲ್ಲ ಬೇಡುತಿಹ

ಹಾರೋ ದುಂಬಿ ಹರಡುತಿಹ

ಜೇನಿನ ಸಿಹಿಯಲ್ಲೂ

ಮುಗುಳಿನ ಗಂಧ

ಪ್ರೀತಿ ಹರಿವ ಹೊತ್ತು

ಸ್ಪೂರ್ತಿಯಾಗಲು ಅಸ್ತು

ಇರುವ ತಡೆಯನು ತೊಡೆದು

ನುಡಿಯುವುದೇ ಶಾಂತಿ

ಮೌನದಲೆ ಹಂಗಿಸುವ

ಮಾತಿನಲೆ ತಿವಿಯುತಿಹ

ಹಂಗಿನರಮನೆಗಿಂತ 

ಇಂಗಡದ ಗುಡಿ ಲೇಸು

ಹೊತ್ತುಗೊತ್ತು ಇಲ್ಲದಲೆ

ಸುತ್ತ ಸುತ್ತಿ ಹುಡುಕುತಿಹ

ಭ್ರಷ್ಟ ಸಂಸಾರಿಗಳು

ಪರಿಸರದ ಕಾಂತಿ...