ಧರಿತ್ರಿ ದರ್ಶಿಸಿದವರು

ಗರ್ಭಗೂಡಲಿ ಗೌಪ್ಯವಾಗಿ
ಜೋಪಾನ ಮಾಡಲು
ರೂಪ ಪಡೆದೆ
ತುಂಡು ಮಾಂಸದ ಪಕಳೆಯಾಗಿ
ತುಂಬಿದೆ ಮಡಿಲ ಮಗುವಾಗಿ
ಮರು ಜನ್ಮವೆತ್ತಿ ಹಡೆದಿರುವೆಯಮ್ಮ
ಹಾಲ್ಗೆನ್ನೆ ಅರಳಲು ಮರೆತೆ ಎಲ್ಲವ
ಜಗವ ತೋರಿಸಿ ಜಪವ ಮಾಡಿಸಿ
ಏಳ್ಗೆ ಬಯಸುತ ಸಂಸ್ಕರಿಸಿದೆ

ದುಡುಮೆ ಮಾಡುತ ಪಣವತೊಟ್ಟೆ
ಕುಡಿಯ ಬೆಳೆಸುವ ದೀಕ್ಷೆ ತೊಟ್ಟೆ
ಒಣಗಿದ ಬೆವರಿನ ವಾಸನೆಯಲ್ಲಿ
ಮೋಡಿ ಮಾಡುವ ಜಾದುಗಾರನಾದೆ
ಸಂಸಾರದ ನಗವ ಹೊತ್ತು
ಸಾಧಿಸಬೇಕೆಂಬ ಛಲವ ಬಿತ್ತಿ
ವಿದ್ಯೆಯೆಂಬ ಏಣಿ ಹತ್ತಿಸಿ
ಸ್ವಕಾಲಲಿ ನಿಂತು ಬದುಕ ಕಟ್ಟಲು
ಮಾದರಿಯ ಪ್ರೇರಣೆಯು ನೀನಾದೆಯಪ್ಪ