ಈ ಸಂಜೆ ದಂಡ

ಈ ಸಂಜೆ ನಗಲು
ಉಕ್ಕಿ ಭೋರ್ಗರೆಯುವ ಕಡಲು
ನಿಂದಿಸುತಿದೆ ಕರೆದು
ಬಂದಿರಲು ನಿನ್ನ ತೊರೆದು
ಹಸಿಯಿಲ್ಲದ ಬಯಲು
ಕಸಿಯಿಲ್ಲದ ಮಡಿಲು
ನೆರವಾಗದೆ ಜರಿಯುತಿದೆ
ನೀನಿರದೆ ಜೊತೆಯಾಗಿ
ತಿರುಗುತಿರುವ ನನ್ನ

ನೀ ಬಳಿಯಿರದ ಹೊತ್ತು
ಬೆಳ್ಳಿ ಬಾನಲಿ ಕೂಡ
ಬೆಳಗುವ ಭಾನು
ಬರಿದಾಗಿ ಕಂಡ
ಮುಸ್ಸಂಜೆ ಮತ್ತು
ನಾ ಏಕಾಂಗಿ ಸ್ವತ್ತು
ಕಾಯುವ ಕಾಯಕವು
ಬರಿದಾದ ದಂಡ

ಮಧು ಹೀರಿದ ದುಂಬಿ
ನೆಗೆದು ಹಾರಿದ ಭಂಗಿ
ನೋಡಲು ಬಂತು
ಕೋಪ ತಾಪದ ಗೀಳು
ಶೃತಿ ಭರಿತ ತುಂಬಿ
ಕೃತಿ ಬರೆದ ಕಂಬಿ
ರಾಗಕೆ ಸೋತು
ಪ್ರೀತಿ ಒಲಿದು ಬೀಳು