ದಿಗಿಲ ಅರಿವು

ಕತ್ತಲೆಯಲಿ ನಾಯಿಯೊಂದು
ಮುಖವನ್ನೆತ್ತಿ ಬೊಗಳುತಿದೆ
ದೆವ್ವ ಬಂದಿತೋ? ಕಳ್ಳ ಬಂದನೋ?
ಅರಿವಿಗೆ ಬಾರದು ಭಯದಲಿ
ನಡುಕ ಹುಟ್ಟಿತು ಚಳಿಯಲಿ

ಕೆಂಪು ನಾಮದ ಬಿಳಿಯ ಸೀರೆಯು
ತಿರುಗಿದ ಹೆಜ್ಜೆ ನಡಿಗೆಯು
ಎಲ್ಲಿ ಓಡಲಿ? ಏನು ಮಾಡಲಿ?
ಸನಿಹ ಬರಲು ಅಂಜಿಕೆಯು
ಎದುರು ನಿಲ್ಲಲು ಹೆದರಿಕೆಯು

ಸುತ್ತ ಕವಿದಿದೆ ನಡುಗತ್ತಲು
ಕೂಗಿದರೆ ಬರುವವರಿಲ್ಲ ಬಳಿಗೆ
ಹುಚ್ಚನಾದೆನೋ? ಸತ್ತು ಹೋದೆನೋ?
ಅರಿವು ಮೂಡದ ಕ್ಷಣದಲಿ
ಜ್ಞಾನ ಭಾರತಿ ಒಲಿಯಲಿ

ಬಂದು ಕೇಳಿತು ಕುಶಲವ
ನೀನು ಬೂತಗಳ ನಂಬುವೆಯಾ?
ಏನ ಹೇಳಲಿ? ಯಾರ ಕೇಳಲಿ?
ಕೋಳಿ ಕೂಗಲು ಬೆಳಗಾಯಿತು
ಅರಿತೆ ದಿಗಿಲ ಕನಸಾಅಯಿತು