Sunday, March 19, 2017

ನಾನಿರುವೆ ನಾನಾಗಿರುವೆ

ಕೂದಲಳತೆ ದೂರದಲಿ
ನೆರಳಿನಷ್ಟೇ ಹತ್ತಿರ ನಿಂತು
ದೃಷ್ಠಿಯಾಗದಿರಲೊಂದು ಬೊಟ್ಟಿಡುವೆನು
ಕಾಡಿಗೆಯ ಬೊಟ್ಟಿಡುವೆನು

ಆ ಕಪ್ಪು ಚುಕ್ಕೆಯಲಿ
ಕೆಟ್ಟ ಕಣ್ಣುಗಳು ಸುಳಿಯದಿರಲು
ಬಂಧನವ ಹಾಕಿರುವೆನು
ದಿಗ್ಬಂಧನವ ಹಾಕಿರುವೆನು

ನಿನ್ನ ತುಂಟತನದ ನಗುವಿನಲಿ
ನನ್ನ ನೆಂಟತನದ ಬೆಸುಗೆಯಲಿ
ನಮ್ಮ ಜೀವನದ ಗೆಳೆತನದಲಿ
ನಿಮ್ಮ ಮನದಾಳದ ಹಾರೈಕೆಯಿರಲಿ

ಏಳು ಸುತ್ತಿನ ಕೋಟೆಯಾದರೂ
ಎದುರಿಗೆ ನಿಂತು ಹೋರಾಡುವೆನು
ಏಕಾಂಗಿಯೆಂದು ಬೇಸರಿದಂತೆ
ಸೂಜಿಮೊನೆಯ ಚೂರು ಸಹ ತಾಗದಂತೆ

ಕನಸಿನ ಬ್ರೂಣಕೆ ಜೀವವಾಗಿ
ನನಸಿನ ಪ್ರಾಣಕೆ ಚೈತನ್ಯವಾಗಿ
ಮನಸಿನ ಬಾವನೆಗೆ ನುಡಿಯಾಗಿ
ಚಲನೆಯ ನೋಟಕಿರುವೆ ಕಣ್ಗುಡ್ಡೆಯಾಗಿ

ನಿನ್ನಂದಕೆ ರಕ್ಷಾಕವಚವು ನಾನಾಗಿ
ಕುಶಲತೆಗೆ ಬಿಡಿಸುವ ಕಗ್ಗಂಟುವಾಗಿ
ನೋವಾದರೆ ಹಿತವಾದ ಕ್ಷೇಮವಾಗಿ
ಜೊತೆಗಿರುವೆ ದಡ ಸೇರಿಸೋ ದೋಣಿಯಾಗಿ

No comments:

Post a Comment