ನೆನಪಲಿ ಕ್ಷಮಿಸು ನೋವಾದರೆ
ಒಲವಲಿ ಮನ್ನಿಸು ಸಿಟ್ಟಾದರೆ
ಹಗಲಲಿ ನಿದ್ರಿಸು ನಲಿವಿದ್ದರೆ
ಇರುಳನೆ ಅಳಿಸು ಈ ಜಗವು ಸುಳ್ಳಾದರೆ
ಮನಸಿದು ಒಲವಿನ ವೇದಿಕೆ
ಹೃದಯವು ಒಲವಿನ ದೀವಿಗೆ
ಭಾವನೆಯೇ ಮೌನದ ಮಾತು
ಕೌತುಕವು ಕಣ್ಣ ಸನ್ನೆಯಲಿ ಕೂತು
ಮರೆಯದೆ ಬಾಳುವ ಮರು ದಿನಗಳ ಸರದಿಯಲಿ
ಇಳೆಯಲಿ ಚಾರಿತ್ರ್ಯದ ಚಪ್ಪರ
ಕನಸಲಿ ಕಲ್ಪನೆಗಳ ಅಬ್ಬರ
ನವೋದಯದ ನಂಬಿಕೆಯು ಮುಂಜಾನೆಯಲಿ
ನಲಿವಿನ ನರ್ತನವು ಮುಸ್ಸಂಜೆಯಲಿ
ಚೈತನ್ಯಕೆ ನಾವಿಬ್ಬರೇ ಆದರ್ಶ ವ್ಯಕ್ತಿಗಳು
No comments:
Post a Comment