ಜಿಜ್ಞಾಸೆ

ಒಂದೇ ಸಾಲಿನಲ್ಲಿ ಬರೆಯಲೆ
ನಿನ್ನ ಅಂದವ
ಪದಗಳಿಗೆ ನಿಲುಕದಂತ
ಗುಪ್ತ ಸೌಂದರ್ಯವ
ಹೋಲಿಕೆಯಿರದ ಭಾವಗಳೆಲ್ಲ
ಭಾವನೆಗೆ ಸ್ಪೂರ್ತಿ ತುಂಬಲು
ಅಗಲಿ ಹೋಗುವ ಚಿತ್ತಕೆಂದು
ಜೀವ ಬಾರದು

ಸುಪ್ತ ಮನಸಿನ ಆಳದಲ್ಲಿ
ನೂರಾರು ಚಿಂತನೆ
ನಿನ್ನ ಚಂದಕೆ ಅವಧಿಯಿಹುದೇ
ಎಂಬ ಯೋಚನೆ
ಬಾಹ್ಯ ರೂಪವೋ ಒಳಗಿನಂದವೋ
ಯಾವುದು ಸೂಕ್ತವೆಂಬ ಕಲ್ಪನೆ

ಮರ್ಕಟದಂತಹ ಮನಸ್ಸಿನಲ್ಲಿ
ಉಳಿಯುವುದೇ ಸ್ಥಿರ ಭಾವನೆ
ಮುಪ್ಪಾಗುವ ಮುಖದಲ್ಲಿ
ಇರುವುದೇ ಆಕರ್ಷಣೆ
ಮುಖವೋ ಚಿತ್ತವೋ
ಗೌಪ್ಯವಾದ ಪರಿಕಲ್ಪನೆ

ಬಾಹ್ಯವಾದ ಮಾರ್ಪಾಟು
ವಯಸ್ಸಿನ ಸಹಜ ಗುಣ
ಮನಸ್ಸಿನ ಬದಲಾವಣೆ
ಸಾಂದರ್ಭಿಕ ಸನ್ನಿವೇಶ
ಅಂದವೋ ಚಂದವೋ
ಬಗೆಹರಿಯದ ಜಿಜ್ಞಾಸೆ