Saturday, July 18, 2015

ದಾರಿ ತಪ್ಪಿದ ಪಯಣ

ಅರ್ಥವಿರದ ಅನುರಾಗದಲ್ಲಿ
ಅನುಬಂಧವೆಲ್ಲಿ ಹುಡುಕಲಿ
ನನಸು ಮಾಡಲು ಕನಸುಗಳನು
ಬಾಂಧವ್ಯಬೇಕು ಬದುಕಲಿ

ತಂತಿಯಿರದ ವೀಣೆಯಲ್ಲಿ
ರಾಗ ಹೇಗೆ ನುಡಿಸಲಿ
ಗಾನ ನಾಟ್ಯಕೆ ತಾಳ ಹಾಕಲು
ನಾದ ನುಡಿತಕೆ ಸ್ವರವೇ ಬಾರದು

ಲಯವೇ ಇಲ್ಲದ ಹಾಡಿನಲ್ಲಿ
ಮನದ ನೋವಿನ ಕುಣಿತವು
ಪ್ರಾಸವಿರದ ಪದ್ಯದಲ್ಲಿ
ಪದಕೆ ಅರ್ಥವೇ ಕಾಣದು

ಬಂದೇ ಬರುವೆನು ಹಾಡುತ
ಹೊಂದಿ ಬಾಳುವೆ ಸೋಲುತ
ಗಾನ ಕೇಳಲು ತಲೆದೂಗುತ
ಮುಸ್ಸಂಜೆ ಮೌನಕೆ ಶರಣಾಗುತ

ಭಾಸ್ಕರ ಮೂಡಲು ಅರಿಶಿನವು
ಚಿಲಿಪಿಲಿ ಹಾಡಿನ ಸ್ವಾಗತವು
ದಿನವು ಏರಲು ಸುಡುಶಾಖವು
ಶಾಂತವಾಗಲು ಇಂಪಾದ ಸಂಗೀತವು

ಕರ್ಕಶವಾಗದಿರಲು ಸಾಮಗಾನಕೆ
ಸ್ವರ ಏರಿಳಿತದ ಮಾಧುರ್ಯವು
ದಾರಿ ತಪ್ಪಿದ ಬಾಳ ಪಯಣಕೆ
ಅನುಭವಿಗಳ ಮಾರ್ಗದರ್ಶನವು

No comments:

Post a Comment