ಮನಸಿನ ಇಳೆಯಲ್ಲಿ ಸ್ವಾಭಿಮಾನದ ಬಾಳು
ನನಸಿನ ಅಂಗಳದಿ ನೆಂಟರಿಷ್ಟರ ಗೋಳು
ಕಳೆವುದು ನೀತಿಯ ಆತ್ಮೀಯ ಬಂಧ
ಮುಗಿವುದು ನಮ್ಮಯ ಪ್ರೀತಿಯ ಸಂಬಂಧ
ಸೋಲು ಗೆಲುವಿನ ಮೂಲ
ಗೆಲುವು ಅಹಂಕಾರದ ಬಾಲ
ನಾನು ನನ್ನದೆಂಬ ಕಾಲ
ಆಗುವುದು ನಮ್ಮ ಬಾಳಿಗೆ ಶೂಲ
ಬದುಕುವ ಹೊತ್ತಲ್ಲಿ ವಿವೇಚನೆಯೇ ದಾಳ
ಮಾತು ಮಾರ್ಮಿಕ ಜಾಲ
ಸೂಕ್ಷ್ಮ ಅರಿವಿನ ಕೋಲ
ಮೂದಿಸುತ ಜರಿಯಲು ಕೀಳ
ಕೈಯಾಭರಣ ಕೋಳ
ಹೊಂದಾಣಿಕೆ ಮಾತು ಜಾಣ್ಮೆಯ ಗಾಳ
ಮನದಾ ಮನೆಯಲ್ಲಿ ಧೃತಿಯ ಕಿರಣ
ಬದುಕಾ ಬಯಲಲ್ಲಿ ಪುಟಿದೆದ್ದಿದೆ ಚರಣ
ಏನೋ ಒಂದು ಎದುರಾಗಿದೆ
ಬೆಳಕಾ ಹನಿಸೋ ಬೆಳ್ ಮೂಡಿದಿದೆ
ಧೀ ಆರಿದ ಕಾರಣ ಶನಿಯಾಟದ ಹೂರಣ
ಬೆರಳಿಡುವನು ಕಿವಿಯಲಿ ತಲೆಯೇರುವ ಚಾರಣ
ಮಂಕಾದರೆ ಮುಗಿಯಿತು ಮೇಲೇರುವ ಸರಣಿ
ಬೆಳಕಾಗುವ ಭರವಸೆ ತಿರುಗುತಲಿ ಧರಣಿ
ಚಿವ್ ಚಿವ್ ಗುಬ್ಬಿ ನೆನಪಾಗಿದೆ
ಯಾಕೋ ಏನೋ ಮರೆಯಾಗಿದೆ
ಬೆಳಿಗ್ಗೆ ಎದ್ದು ಹೂ ಕೊಯ್ಯುವಾಗ
ಹಳೆ ಅನ್ನ ಹೆಕ್ಕಿ ತಿನ್ನುತಲಿತ್ತು
ಆ ದಿನಗಳ ನೆನಪು ಮಾಸೋಗದೆ
ಹೊಸದಿನಗಳಿಗಾಗಿ ಮುಡಿಪಾಗಿದೆ
ಹುಲ್ಲು ನಾರು ಹೆಣೆದ ಗೂಡು
ಮಾಡ್ಗುಳಿಯಲ್ಲಿ ಬರಿದಾಗಿದೆ
ಮನೆಯೊಳಗೆ ಮಲಗಿರುವ ನಮಗೆ
ತಿಳಿಸುವವರು ಇಲ್ಲಾ ಬೆಳಗಾದ ಘಳಿಗೆ
ಬಾಲ್ಯದ ಸಂಗಾತಿ ಬಾಗಿಲೆದುರಿಗೆ ಬಂದು
ಸ್ವಾಗತಿಸುವ ರೀತಿಯೇ ಮನಮೋಹಕ
ಬಿಳಿಯ ಗುರಿತಿನ ಗಂಟಲಿನ ಬಾಗ
ಕುಣಿಕುಣಿದು ಸೇಳೆಯಲು ಕಣ್ನೋಟವೇ ಸಖ
ಮಡಿಲಿನ ನೂಲನ್ನು ನೇಯುವ ನೇಕಾರ
ಅನುಭವಿಸೋ ನೋವನ್ನು ಪೇಳದೆ ಝೇಂಕಾರ
ಮೂಡಿದ ಬೆಳಕಲ್ಲಿ ನೋವಾರುವುದೇ ನೀತಿ
ಕಮಲದ ಕಣ್ಣಿನಲಿ ಕಾಡಿಗೆಯ ಕರಿಗುರುತು
ಅರಿಯದ ಮನಸಲ್ಲಿ ಮುಸುಕಿನ ಗುದ್ದಾಟ
ಸೂಕ್ಷ್ಮತೆಯ ಆರೈಕೆ ಒಲವಾಗುವ ಮುನ್ನ
ವ್ಯಾಪಾರ ವಹಿವಾಟು ಅತಿಯಾಯಿತು ಭಿನ್ನ
ಸಂತೈಸುವ ಮನಸು ಜೊತೆಯಾಗಲು ತಣಿಸು
ದೀಪವಾರುವ ಹೊತ್ತು ಆಗದಿರಲಿ ಕುತ್ತು
ಬೃಮರ ರೂಪ ತಾಳಿರುವ
ಭ್ರಮೆಯು ಮನದಲಿ
ಮಿಂಚ ವೇಗ ಮೀರಿಹುದು
ಗುಡುಗಿ ಅಡಗಿ ಹೋಗಿಹುದು
ಧೃತಿಯ ಹುರುಪು ಇಲ್ಲದೆ
ಕೃತಿಯು ಜನ್ಮ ತಾಳದು
ಮಿತಿಯು ಮೀರಿ ಹೋಗದಿರೆ
ಭ್ರಾಂತಿ ಕುಡಿಯು ಚಂದವು
ಶಾಂತಿ ಮಂತ್ರ ಜಪಿಸಲು
ಕ್ರಾಂತಿ ತಂತ್ರ ಶಪಿಸಲು
ಸಖಿಯ ಭಾವ ಹೊಂದಲು
ಸತಿಯ ನೋವ ಹರಣವು
ಮನದ ಮದವೆ ಸೇರು ಸಾವಿನೂರ
ಭಾವ ಬಂಧವ ಕಡಿದು ಸಾಗು ದೂರ
ಮನದ ಮನೆಯಲಿ ಜನಿಸು ಸ್ನೇಹಿ ಕುವರ
ಹಂಚಿ ಹನಿಸುತಲಿರು ನುಡಿದು ಪ್ರೀತಿ ಪ್ರವರ
ಜಗದಿ ಜನಿತ ಜೀವಕುಂಟು ಕರ್ಮ ದಾರ
ಹಿಡಿದು ಕುಣಿಸುನು ಮೇಲಿನ ಸೂತ್ರದಾರ
ನೀತಿ ನಾಯಕನಿವನು ತಿಳಿಸಿ ನೇರ
ಎಡವಿದರೆ ಜಡಿಯುವನು ಮೌನಿ ಧೀರ
ನಾನು ನನ್ನದು ಎಂಬ ಅಹಂಕಾರ
ಬಲಿತರದು ಒಡೆಯುವುದು ಪ್ರೀತಿ ಸಂಸಾರ
ನಾವು ನಮ್ಮವರೆಂಬ ಭಾವ ಸಾರ
ಅದನರಿತು ಸಾಗುವುದೇ ಜಾಣ್ಮೆ ವೀರ
ಉಸಿರಿನಲೆ ಹಸಿರೊಡೆವ ಭಾವ ತೀರ
ಈಜುತಲಿ ದಡಸೇರು ಹೇಳಿ ಪ್ರವರ
ಊರಾಚೆ ಅಡಗಿರುವ ವಿಷಯ ಘೋರ
ಬಿಡಿಸುತಲಿ ಮಾತಾಡು ಪ್ರೀತಿ ಕುವರ
ಜೀವನದ ಯೋಚನೆಯ ಹೊರಲು ಭಾರ
ಅನುಭವದಿ ಬಿಡಿಸು ನೀ ಅರಿತು ಸಾರ
ಕೊಸರಾಡು ಬಾಳಿನ ತಿರುವು ಧೀರ
ಹೆದರದಿರು ಫಲಗಳಿಗೆ ಸಹಜ ವೀರ
