ಒಗಟು

ತಂಗಾಳಿಯಲ್ಲಿ ನಾ
ತೇಲಿ ಬಂದೆನು
ತಂಪನ್ನು ಎರೆದು ನಾ
ಕರಗಿ ಹೋದೆನು
ನಾನು ಯಾರು ಎಂದು ನೀನು ಹೇಳಬಲ್ಲೆಯಾ?
ನೀರ ಹೊತ್ತಿ ಬರುವ ಮೋಡ ನಾ ತಿಳಿಯದಾದೆಯಾ?

ಹಸಿರು ಹರಡಿದ ಎಲೆಯು
ಕಣ್ಣ ಸೆಳೆತಕೆ
ಇಡಲು ಮುಂದಿನ ಹೆಜ್ಜೆ
ಮಣ್ಣ ಕುಣಿತಕೆ
ನಾನು ಯಾರು ಎಂದು ನೀನು ಹೇಳಬಲ್ಲೆಯಾ?
ಮಳೆಗೆ ಮೆರೆವ ಕಳೆಗೆಯು ಎಂದು ನುಡಿಯಬಲ್ಲೆಯಾ?

ಒಡಲ ಮಡಿಲು ತವರಿಗೆಂದು
ಓಡುತಿರುವೆನು
ಬೆಳಕ ಸ್ಪರ್ಶ ಸೋಕಿತೆಂದು
ಮಾಯವಾದೆನು
ನಾನು ಯಾರು ಎಂದು ನೀನು ಹೇಳಬಲ್ಲೆಯಾ?
ತುಂಬಿ ಹರಿವ ಹೊಳೆಯು
ಎಂದು ಹಾಡಬಲ್ಲೆಯಾ?