ದೀನರ ಮಾತು

ಹಸಿದ ಹೊಟ್ಟೆಗೆ
ಹಾಗಿರಲಿ ಊಟ
ಕುಡಿಯಲು ತೊಟ್ಟು
ನೀರು ಸಿಗದೆ ಹೋದರೂ
ಕಣ್ಣಂಚಲಿ ಹರಿಯುತಿವೆ
ಗಂಗೆ ತುಂಗೆಯ ತೊರೆಗಳು
ತಡೆಯಲು ಬಾರರು
ಕರುಣೆಯ ಬರವಿರುವ ಜನರು

ಹೊತ್ತಿಗಾದರೂ
ಕೈ ತುತ್ತು ಸಿಕ್ಕರೆ
ಬದುಕಲದುವೆ ಮೃಷ್ಟಾನ್ನವು
ನೀಡರಾರು ತಲೆಬಾಗಿ ಬೇಡಿದರೂ
ದಯೆಯೇ ಇಲ್ಲದ ಧನಿಕರು
ಧರ್ಮದ ಮೂಲ ಮರೆತ ಮತಾಂಧರು

ಆಸೆಗಾದರೂ
ಅರಮನೆಯ ಕನಸ ಕಾಣಲು
ನೈತಿಕತೆ ಪ್ರಶ್ನೆಯ ಉಗಮವು
ಮತದ ಭೇಟೆಗೆ ದಾಳಿಯಿಡುವ
ರಾಜಕಾರಣಿಗಳ ಕರಿ ನೆರಳಲಿ
ಸ್ವಾವಲಂಭಿಯಾಗಿ ಬಾಳ ನಡೆಸಲಾಗದು

ಆತ್ಮತೃಪ್ತಿಗಾದರೂ
ಜಾತಿ ಮತಗಳ ಒಡೆಯದೆ
ಪ್ರಜೆಗೆ ಮಾಡಲಿ ಚೂರು ಒಳಿತನು
ದೇಶ ಹೊಂದುವುದು ಅಭಿವೃದ್ಧಿಯ
ಕೊಂಚ ನಿರಾಳತೆಯ ಭಾವವ ಹೊಂದಲು
ಕೆಡುಕಾಗದು ತಿಂದರೂ ದೀನರ ದುಡ್ಡನು