|| ಮೂರ್ಖರ ಜೊತೆಗಿನ ಮಾತು ||

ದನವಿರದ ಕೊಟ್ಟಿಗೆಯಲಿ

ಸೊಪ್ಪು ಹಾಸಿದರೇನು

ಸಗಣಿಯಿಲ್ಲದೆ ಗೊಬ್ಬರವಾಗದು

ನೊಪ್ಪು ಒಣಗಿದ ದೆರಕಾಗುವುದು ||

ಬರಡಾದ ಭಾವಿಯಲಿ

ಕೊಡವ ಇಳಿಸಿದರೇನು

ಕುಡಿಯಲು ನೀರು ದೊರೆಯದು

ಗಂಟಲಿನ ದಾಹ ಇಂಗದು ||

ಗಂಧಗೊತ್ತಿರದ ಕತ್ತೆಯೆದುರು

ಕಿನ್ನರಿಯ ಬಾರಿಸಿದರೇನು

ತಿಳಿಯದು ಬುದ್ಧಿವಾದಗಳು

ಸಮಯದ ವ್ಯರ್ಥ ಶ್ರಮಗಳು ||

ಭಾವನೆಗೆ ಬೆಲೆಯಿರದ ಕ್ಷಣಗಳು

ಮೋಹದಲಿ ಮುಳುಗಿದ ಮೌನಗಳು

ಸಂಸ್ಕಾರ ಸಿಗದಿರುವ ಸಲಹೆಗಳು

ಮೂರ್ಖರ ಜೊತೆಗಿನ ಮಾತುಗಳು ||