|| ಲೇಖನ ||

ಗುನುಗುವ ರಾಗಕೆ

ಬರೆಯುವ ಪದಗಳು

ಎದೆಯಲಿ ಆಗುವ ನೋವುಗಳು

ಮನತುಂಬಿ ನಗುವ ನಲಿವುಗಳು

ಕಲ್ಪನೆಯಲಿ ಕಾಣುವ ಕನಸುಗಳು

ಹರಸುತ ಹಾಡುವ ಹಾರೈಕೆಗಳು ||

ಲಿಪಿಯಾಗಿ ಲೇಖಿಸುತ

ಹೊರಹೊಮ್ಮುವ ಭಾವನೆಯನು

ರಾಗದಲಿ ಹಾಡುವ ಆಸೆಯನು ಕಾಣುತ

ಗೀಚುತ ಭಾವವ ಲೇಖಿಸಲು

ಅನುಭವಿಸುವೆನು ಖುಷಿಯನು

ಅಂತರಾಳದಲಿ ನೆಮ್ಮದಿಯನು ||

ಸುಮ್ಮನೆ ಬರೆಯುವ ಪದಗಳು ಕೂಡ

ಅಭಿಮಾನಿಗಳನು ಸೃಷ್ಠಿಸುವುದು

ಹರಿಸುವುದು ಹರುಷದ ಹೊಳೆಯನು

ಮೊನಚಾದ ಮುಳ್ಳಿನಂತೆ ತಾಕಲು

ಪಹರೆಯ ಹಾಕುತ ಎಚ್ಚರಿಸುವುದು

ಲೇಖಿಸಿ ಕಳೆಯುವ ಕಾಲಹರಣದ ಲೇಖನವು ||