|| ಹೊಂಬೆಳಕು ||

ಮೂಡಿದೊಂದು  ಕಿರಣದಿಂದ

ಜ್ಯೋತಿಯೊಂದು  ಬಳಿಗೆಬಂದು

ಕತ್ತಲಲ್ಲಿ ಕಣ್ಣು ತೆರೆಸಿದೆ

ಮನಕೆ ಕವಿದ ಮೊಡ ಕರಗಿದೆ...||

ಹುಟ್ಟಿನಿಂದ ಬಂದರೇನು...?

ಸ್ನೆಹದಿಂದ ಆದರೇನು...?

ಮನದ ಮಿಲನವೊಂದೇ ತಾನೆ

ಬಾಳ ಬೆಳಗೊ ಸಂಬಂಧವು...||

ಸ್ವಂತಿಕೆಯನು ಮಾರಿಕೊಂಡು

ಪರರ ತಾಳಕೆ ಕುಣಿದುಕೊಂಡು

ಮುರ್ಖತನದಲಿ ಮುರಿಯಬಹುದೇ..?

ಮೌಲ್ಯಯುತವಾದ  ಸಂಬಂಧವ....||

ಬುದ್ಧಿವಾದವ ಹೇಳಬೇಡ

ತನ್ನತನವೇ ಇಲ್ಲದವಗೆ

ಹಿತನುಡಿಯ ತಪ್ಪಾಗಿ ತಿಳಿದರೆ

ಕಪ್ಪಾಗಿ  ಹೋಗುವುದು ಸಂಬಂಧವು...||

ಮೋಹದಿಂದ ಮರುಳನಾಗಿ

ನೋವನೆಂದು ಆಮಂತ್ರಿಸದಿರು

ಒಳ್ಳೆತನದಿ ಕಣ್ತೆರೆದು ನೋಡು

ಹೊಂಬೆಳಕಾಗಿ ಬರುವುದು ಸಂಬಂಧವು...||