ಮೋಡ ಕರಗಲು

ಕಾರ್ಮೋಡ ಹರಿದಿರಲು
ಹೊಂಬಿಸಿಲು ಹರಡಿಹುದು
ನನ್ನವಳ ಮನದಲ್ಲಿ
ನಾನೇ ಇರಲು
ಹುಸಿಮುನಿಸು ಕರಗಿರಲು
ಗಾಂಭೀರ್ಯ ಅಡಗಿಹುದು
ಒಲವಿನ ಮಲ್ಲಿಗೆಯು
ಅರಳುತಾ ಇರಲು

ಕಣ್ಣೋಟ ಕಂಡಾಗ
ಬೆಳ್ಳು ಮೂಡಿದ ಹಾಗೆ
ಅವಳ ಹುಡುಗಾಟವೇ
ನನ್ನ ಮನದಾಳದ ಬಯಕೆ

ಕೋಪದಲಿ ಗುಡುಗಿರಲು
ಮುಖವೆಂಬ ಕಮಲವು
ಕೆಸರಿನ ಗುಡ್ಡೆಯಲಿ
ತೊರೆದ ನೋವಿನ ಭಾವವು

ನನ್ನವಳ ನಗುವಿನಲಿ
ಪ್ರತಿಕ್ಷಣದ ನೋವಿನಲಿ
ಉಸಿರಾಟದ ಗಾಳಿಯಲಿ
ಸಹಬಾಗಿಯೆಂದು ನಾನೇ ಇರಲಿ

ಬೇಸರಿಸಲು ಅವಳಲ್ಲಿ
ಮನವು ನೋಯುವುದಿಲ್ಲಿ
ಹಂಬಲಕೆ ಗುರಿಯಾಗಿ
ಬಯಸುತ ನಾನಾಗುವೆ ನಿಗರ್ವಿ

ಅವಳೆಂದು ದೂರಾಗಳು
ನನಗಾಗೆ ಬದುಕುವಳು
ಮೋಡ ಕವಿಯುವುದು
ಕರಗಿ ನೀರಾಗುವುದು

ಮುಂಜಾನೆ ಅರಿಶಿನವು
ಮುಸ್ಸಂಜೆ ಕುಂಕುಮವು
ನಡು ರವಿಯ ಶಾಖವು
ಮುದ್ದು ಮನಸಿನ ಕೋಪವು

ಒಂದು ನಿಮಿಷದ ಕೋಪ
ಹಲವು ದಿನ ಮೈ ತಾಪ
ಬಿಟ್ಟು ಬದುಕುವ ಗಾಂಪ
ನಾನಾದರೆ ನೋವು ಸಂತಾಪ

ಅಪ್ಪಿಯೆಂಬುವ ಮಾತು
ಒಂದಾಗುವ ಸೂಚನೆಯು
ವಸಂತನ ಆಗಮನವು
ಕೋಗಿಲೆಯು ಕೂಗುತಿರಲು