ಸಾಲಾಗಿ ಹಾರಿರಲು

ಭುವಿ ಜಿಗಿದಂತೆ ಬಾನೆತ್ತರಕೆ

ರವಿ ನಿಂತಂತೆ ಪಡುವಣಕೆ

ಕೈಯಲ್ಲಿ ಕೈ ಹಿಡಿದು

ನದಿ ತೀರದಿ ನಡೆದಿರಲು

ಹಾರುವ ಹಕ್ಕಿಯ ಹಾಡಿನ ಲಯವು

ಉದ್ವೇಗ ಚಿಮ್ಮಿಸಿ 

ನುಡಿಯುವುದಾ ಪ್ರೀತಿ

ನಿನ್ನಧರವ ಚುಂಬಿಸಿ

ಸಾಲಾಗಿ ಹಾರಿರಲು

ಆಕಾರ ನೀಡಿರಲು

ಕಣ್ಣೋಟ ಸೆಳೆಯುವುದು

ದನಿಗೊಂದು ರಾಗ ಹಾಕಿಹುದು

ಮುಸ್ಸಂಜೆ ಕವಿದಿರಲು

ಬೆಳದಿಂಗಳು ಹಾಸಿರಲು

ಧ್ಯಾನಿಸೋಣ ಈ ಸಂಜೆ ಅಳಿಯದಿರಲೆಂದು

ಮುದ್ದಿಸೋಣ ಈ ಮಾತು ಮುಗಿಯದಿರಲೆಂದು

ಗುರಿ ಮುಟ್ಟುವ ತನಕ,

ವಿಚಾರಿ