ಮೌನದರಮನೆಯ ರಾಣಿ

ಕಣ್ಣಲ್ಲಿ ಒಂದು
ಪ್ರತಿಬಿಂಬ ಮೂಡಿಹುದು
ನನ್ನೆದುರು ಬಂದಂತೆ
ಪ್ರತಿ ಕ್ಷಣವೂ ಸಹ....

ಮನಸಲ್ಲಿ ಒಂದು
ಪ್ರತಿಮೆಯನು ಕೆತ್ತಿಹೆನು
ಕಲ್ಪನೆಗೆ ಕಂಡಂತೆ
ಪ್ರತಿ ಕಣವೂ ಸಹ....

ಬಾಕಿಯೇನು ಉಳಿದಿಲ್ಲ
ನಲ್ಲನೆಂದು ಕರೆದಿಲ್ಲ
ನಾಚಿಕೆಯು ಮನೆ ಮಾಡಿ
ಆಗಿಹೆನು ಮೌನದರಮನೆಯ ರಾಣಿ
ಬಂದು ನೀ ಬಿಡಿಸುವೆಯಾ ಕನ್ಯಾ ಸೆರೆ.....

ಶೋಕಿಯೇನು ಕಲಿತಿಲ್ಲ
ಲಗ್ನವೆಂದೋ ಗೊತ್ತಿಲ್ಲ
ಇನಿಯನಿಗೊಂದು ಗುಡಿ ಕಟ್ಟಿ
ಆಗುವೆನು ನಾನೆಂದು ಆರದ ದೀಪ
ಬೆಂದು ನಾ ಬೆಳಗುವೆನು ನಿನ್ನಾ ಮನೆ.....