|| ಪುಕ್ಸಟೆ ನಿಯತ್ತು ||

ಪುಕ್ಸಟೆ ತರೋದಿಲ್ಲ ನನ್ನಾಣೆ

ತಲೆ ಕೆಟ್ಟಿ ಅಗೋಯ್ತು ಹನ್ನೆರ್ಡಾಣೆ

ಚೌಕಾಸಿ ಮಾಡಿರುವೆ ಎಂಟಾಣೆ

ಬಿಡಿಗಾಸು ಕೊಟ್ಟಿರುವೆ ನಾಲ್ಕಾಣೆ

ನಂಬು ನನ್ನನ್ನ ನಿಜ ನಿನ್ನಾಣೆ ||

ಕಂಜುಸು ನಾನೇನೆ ಹಣಕಾಗಿ

ನೀತಿ ಬಿಡಲೊಲ್ಲೆ ಜಿಪುಣತನಕಾಗಿ

ಬಿಟ್ಟಿ ಮಾಡೊಲ್ಲ ಊಟಕಾಗಿ

ಉಚಿತವಾಗಿ ಪಡೆಯೊಲ್ಲ ಆತ್ಮಾಭಿಮಾನಕಾಗಿ

ಸಣ್ಣತನ ಮಾಡೋದಿಲ್ಲ ಸ್ವಾಭಿಮಾನಕಾಗಿ ||

ಬೇರೆಯವರೆದುರು ಬಾಗೋದಿಲ್ಲ

ನಂಬಿದವರ ಮಾನ ಕಳೆಯೋದಿಲ್ಲ

ಉಸಿರಾಟಕೆ ಸುಂಕ ನೀಡೋದಿಲ್ಲ

ನಂಬಿಕೆ ಬಿಟ್ಟು ಬಾಳೋದಿಲ್ಲ

ನಿನಗಾಗಿ ನಿಯತ್ತು ಬಿಡೋದಿಲ್ಲ ||