|| ನಿಯತ್ತಾಗಿರಲಿ ನಂಬಿಕೆ ||

ಜಗದಲಿ ಜೀವ ಜನಿಸಲು ಜನನಿಯಿಂದ

ಜೀವನವೆಂಬ ಪಯಣದ ಪ್ರಾರಂಭ

ಮಾತೆಯ ಮಮತೆಯಿಂದ ಮಾತುಗಳು

ಬೆಳೆಸುವ ರೀತಿಯಿಂದ ಸಂಸ್ಕಾರವು

ಬರುತಿರಲು ಮಗುವಿನ ನಂಬಿಕೆಯು ತಾಯಿ ||

ಕುಣಿಯುತ ನಲಿಯುತ ಆಟವು

ವರಗುತ ಕೇಳುವ ಪಾಠವು

ಮೀಟಲು ಹುರುಪಿನ ಸ್ನೇಹವ

ಖುಷಿಯಲಿ ಸೇರಲು ಸಡಗರದಿ

ಎಲ್ಲಾ ಒಪ್ಪುವ ನಂಬಿಕೆಯೊಂದೆ ಗೆಳೆತನ ||

ಕಾಲಿಡಲು ಯವ್ವನದ ತೇರಿನಲಿ

ಬೇರೊಂದು ಸಾಂಗತ್ಯದ ಹುಡುಕಾಟದಲಿ

ಜೀವನಾಡಿ ಬೇಕೆಂಬ ಬಯಕೆ

ಒಲವಿನ ಸಂಗದ ಕನವರಿಕೆ

ಏಳಿಗೆಯ ನಂಬಿಕೆಯು ಸಂಗಾತಿ ||

ಅಗತ್ಯಕೆ ಸಹಕಾರದ ಅಹವಾಲು

ಸಿಗದು ಬೇಕಾದ ಬೆಂಬಲವು

ಒಳಿತನ್ನು ಸಹಿಸದ ಜಲಸಿಗಳು

ನಂಬಿಕೆಯಿಂದ ಬೇರ್ಪಡಿಸುವ ಬಂಧುಗಳು

ಗೆದ್ದೆತ್ತಿನ ಬಾಲ ಜೋತುವ ಬಳಗದವರು ||

ಬೆಳ್ಳಾಗಿ ಕಂಡ ಆಶಾಕಿರಣವು

ಮುಪ್ಪಿಗೆ ಊರುಗೋಲಾಗುವ ಮಕ್ಕಳು

ಲಗಾಮಿಲ್ಲದೆ ಓಡುವ ಕುದುರೆಯಂತೆ ಜೀವನ

ಮೂಗುದಾರದ ಹಿಡಿತವಿದ್ದರೆ ನೆಮ್ಮದಿಯಲಿ ಪಾವನ

ಅಂಧಕಾರ ತೊರೆದು ನಿಯತ್ತಾಗಿರಲಿ ನಂಬಿಕೆಯು ||