|| ಏನಿಲ್ಲ ||

ಹುಟ್ಟಿದವ ಬೆಳೆದು ಹಣ್ಣಾಗ ಬೇಕು

ಸತ್ತಾಗ ಸ್ಮಶಾನ ಸೇರಲೆ ಬೇಕು

ಬಾಳಲಿ ಏನಿದೆ ಎಂದು ಯೋಚಿಸು

ಜಗಳ ಮಾಡದೆ ಜಗವ ಪ್ರೀತಿಸು ||

ನಿನ್ನ ಉಳಿವು ಹರಣದಲ್ಲಿ

ನಿನ್ನ ಅಳಿವು ಮರಣದಲ್ಲಿ

ನಿನ್ನ ಗುರುತು ಚರಣದಲ್ಲಿ

ಬದುಕು ಮೂರು ದಿನಗಳಲ್ಲಿ ||

ಮನಸಿನೊಳಗೆ ಬದುಕ ಯುಕ್ತಿ

ಶಾಂತತೆಗೆ ಧ್ಯಾನದ ಭಕ್ತಿ

ಹೋರಾಟಕೆ ತೋಳಿನ ಶಕ್ತಿ

ಹೊಂದುವೆನು ಜೀವನ ಮುಕ್ತಿ ||

ಜೀವಬಂದಾಗ ತೊಂದರೆಯ ಆರಂಭ

ಒಳಿತಿಗಾಗಿ ಇಚ್ಛಿಸುವ ಆಧಾರ ಕಂಬ

ಇಲ್ಲದಿರುವುದನು ಬಯಸುತ ಬಾಳಲು

ಕಾಣದ ದೈವವ ಪ್ರಾರ್ಥಿಸುತ ಬೇಡುವುದು ||