|| ಮರೆಮಾಚು ||

ಹುತ್ತ ಹಣೆದು ಹರೆಯುವ ಗೆದ್ದಲಹುಳವು
ಮೈಮೆರೆದು ಹಾತೆಯಾಗಿ ಹಾರುವುದು
ದೀಪ ಸುತ್ತುತ್ತಾ ರೆಕ್ಕೆ ಉದುರಿದಾಗ
ಅದುವೆ ಕರಿದಾದ ಹರೆಯುವ ಹೊಟ ||

ಕಾಲಕಾಲಕ್ಕೆ ಬದಲಾಗುವ ರೂಪ
ಗುರುತಿಸಲಾಗದ ಅಲೆದಾಟದ ವೇಷ
ಆದ ನ್ಯೂನತೆ ಅಂಟಿದ ಕಪ್ಪುಚುಕ್ಕೆ
ಕಳೆದ ವೇಳೆಯ ಪುನರಾವರ್ತನೆ ಸಾಧ್ಯವಿಲ್ಲ ||

ಅಡಿಕೆ ಕದ್ದಾಗ ಹೋದ ಮಾನವು
ಆನೆ ಕೊಟ್ಟರೂ ಮರಳದು
ಏನು ಮಾಡದೆ ಮರ್ಯಾದೆ ಹೋದರು
ಮಾತಿರದ ನಾಚಿಕೆಯಲಿ ಮುಖವೆತ್ತಲಾಗದು ||

ಮಾಡದ ಪಾಪಕೆ ಪ್ರಾಯಶ್ಚಿತವು
ಗುರುತಿನಾರೋಪಿ ಪಟ್ಟದ ಬಿಂಬಿತವು
ಉತ್ತಮ ವ್ಯಕ್ತಿತ್ವದಲಿ ಗೋಚರಿಸಿದಾಗ
ಹಿಂದಿನದು ಸ್ಥಿರವಾಗದು ಮರೆಮಾಚಿದಾಗ ||