|| ಧನ್ಯೋಸ್ಮಿ ||

ನೋಡಿದೆ ಹೀಗೊಂದು ಮಾಹಿತಿಯ

ಯೋಚಿಸಿದೆ ಇದಾಗಬಹುದೆಂಬ ಸಂಗತಿಯ

ಕಳುಹಿಸಿದೆ ನನದೊಂದು ಕವಿತೆಯ

ನೆನೆಯುತ್ತ ಮನದಲ್ಲಿ ಪಾರ್ಥಸಾರಥಿಯ ||

ವಿಷಯಗಳ ಬಿತ್ತರಿಸಿದ್ದು ಮೂರು 'ಕ'

ಅರಿಯದೆ ನಿರಾಕರಿಸಿದವ ಮೂರ್ಖ

ಪರಿಷ್ಕರಿಸಿ ನಿರ್ಣಯವಾಯಿತು ಪುಸ್ತಕ

ಬಂದಿತು ಬಿಡುಗಡೆಯ ದಿನ ಅಂದು ವೈಶಾಖ ||

ಲೋಕಾರ್ಪಣೆಯ ದಿನದವರೆಗೆ ಪಡೆದದ್ದು

ಬೇರೆಯವರ ಹಸ್ತಾಕ್ಷರ

ಬಿಡುಗಡೆಯ ದಿನದಿಂದ ನೀಡುವಂತಾಯಿತು

ಬೇರೆಯವರಿಗೆ ಹಸ್ತಾಕ್ಷರ

ನಾದಬ್ರಹ್ಮನ ನೋಡುತ್ತ ಕಣ್ತುಂಬಿತು

ನುಡಿಮುತ್ತು ಕೇಳುತ್ತ ಕಿವಿತುಂಬಿತು ||

ನೂರು ಕವಿಗಳ ಕವನಗಳು ಒಂದೆಡೆ

ತವಕದಲಿ ಮನ ತಿರುಗಿತು ಆ ಕಡೆ

ಜಗ ನೋಡಲು ಬಂದಿತು ಶತಮಾನಂಭವತಿ

ಶ್ರಮಿಸಿದ ಜೀವಗಳಿಗೆ ಹಾರೈಕೆಯು "ಶತಸಹಸ್ರಮಾನಂಭವತಿ" ||